MIKHA 2:1 - Alkitab Singog In Mongondow Masa In Tanaa

¹ Moboditodon in intau mita inta monomayá kon inta moraat kon dodai in mosiug mako kon tosiugan kon tungkuḷ in doḷom, bo mogaid kon tua kon dodai in doḷo-doḷom popisí in oyúon in ropot monia mogaid kon tua.

MIKHA 2:1 Iomraidhean Croise

KINOBAḺIAN 31:29

Moḷobenbí in ropotku aka akuoi mogaid kon inta moraat kon inimu, táe kogobíi ki Allah inta sinumba i amámu nobogoidon in tompoingat kon inakó sinbá diá mopogogondok kon inimu.

DATU MITA IMITÁNEA 21:7

“Iko nion in datu kon Israel!” tubag i Izebel. “Pobangondon bo pongaandon in tanaa. Kosanangdon in ginamu, sin ogoikubí in gobá in anggur i Nabot tatua kon inimu!”

ESTER 3:8

Bo ki Haman in noguman kon i datu, “Tuang, oyúon in bangusa tobatú inta mokoherang inta noibaya-bayá mako kon batúan in propinsi in dodatuan tanaa. Adat kabiasaannea in noyoposibí totok in bangusa mita ibanea. Mosia in doíbí dinumudui kon hukum mita in dodatuan. Dá, maníka ki Tuang in dikadon mopomayá mako in mosia mogaid kon onuka in kinoibog monia.

ESTER 5:14

Nokodongogmai kon tua ki buḷoinea bo bayongan in totakinnea noguman, “Pokiaidaidon in oigi pobambéan inta koḷantudnea in doyowa nopuḷú bodoyowá nometer. Bo mopoikoḷomai, doḷo-doḷom poigumdon kon i datu mobambé kon i Mordekhai kon oigi tatua. Dá motaaudon in iko mayá kon bobutungan tatua takin pia in gina.” Aka kon i Haman yo mopiabí totok in tosingogon tatua, tuamai in ḷagidon sia nokiaid in oigi pogantongan tatua.

ESTER 9:25

Táe ki Ester in minayá kon tayowon i datu, bo ki datu in nobogoi in parenta pinais inta nokopopisí kon tomayá moraat inta inaidan i Haman in bui noiuma kon inia tontaní, dá sia bo ki adínea mita in pinopobambé kon oigi pobobambéan.

AYUB 15:35

Tuata in mosia inta nonomayá kon inta moraat bo mopoaid intua; uboḷ in umuranbí oyúon kon bonu in ginanea.”

AYUB 24:14

Kon dodai in modiug mobayag ki moḷoḻimod in mobangon nongkon pinosiugannea, bo ḷumuai moḻimod kon intau inta moyangkó, bo kon dodai in diápa mobayag, sia in umado-adop naonda bo mononakow.

MAZMUR 36:4

Tosingogonnea mita in moraat bo nopuḻing in tompobaḻik, sia in diá bidon mogaid kon inta mopia bo mobijaksana.

MAZMUR 36:5

Kon tosiugan sia in monomayábí mako kon moraat; aidnea diábí in mopia, inta moraat diábí in inindoínea.

MAZMUR 58:3

Diá, moiko in nonomayá kon moraat, bo nopoaid kon inta mobogat kon butá tanaa.

AMSAL 12:2

Intau mopia kinosanang i Tuhan, táe intau inta monomayá kon inta moraat in motarimabí kon hukuman.

AMSAL 14:22

Ki ine in momatuk kon inta mopia, yo pirisayaanbí bo horomaton; ki ine in monomayá kon inta moraat sia in moiḷaḻebí.

AMSAL 3:27

Aka oyúon in komampuanmu mopoaid in inta mopia kon intau inta moparaḷu kon kopiaanmu, yo dikabí pondamonmu in mogaid kon tua.

AMSAL 4:16

Intau moraat in diábí mokosiug aka diápa mogaid kon inta diá mopia. Mosia in diábí tomposiug aka diápa mokopobodito kon intau ibanea.

YESAYA 29:20

Tuata in imbuit in intau mita inta mondorot kon intau ibanea bo inta moningkuḻe kon i Allah. Ki Allah in moyopúdon kon bayongan in intau baradosa,

YESAYA 3:14

Ki Tuhan in mobaḻí hakim kon itoi mita in umat-Nea. Naa in ponapud i Tuhan kon i monia: “Moiko inta nogagow kon bungai in anggur kon gobá mita; baḷoimu nopuḻing in pakakat inta inagow monimu kon intau bogá.

YESAYA 32:7

Bo intau mouboḷ morai bo mogaid kon onu inta moraat. Sia in motayak kon daya sin mopobodito kon intau bogá pongin tosingogon mita inta uboḷ bo moḷamboi kon i monia mokouḻí kon haknea.

YESAYA 5:8

Moboditodon in moiko inta motaḷui kon baḷoi mita bo kinotuo-tuotnea kon gobá mita sin podugang kon kapunyaanmu! Diádon moonggot modaitdon in tampat kon intau ibanea bo tongádon moiko in mogutun kon butá tatua.

YESAYA 59:3

Moiko in kotaḷá popisí in nonguboḷ bo nonombogá, sin ain nogaid kon inta moraat bo noḻimod.

YEREMIA 18:18

Intau in moguman, “Igai moyopopog in kita moḷawang kon i Yeremia. Deemanbí tongá sia in motaau mosingog kon i Allah. Umuranbí oyúon in imang inta motaau mobogoi in topotundú, oyúon in intau mobijaksana in motaau mobogoi in tonggina; bo oyúon in nabi in motaau mopotaau kon i naton in koyow mita nongkon i Allah. Igai pongaduon naton in sia kon pongadilan bo diádon mokidongog kon tosingogonnea mita.”

YEHEZKIEL 11:2

Ki Allah in noguman kon inakó, “Ei intau inta ilo-ilow, naa in intau mita inta monomayá kon inta moraat kon kotá tanaa bo nobogoi in tonggina inta mokopoḷaḻe.

YEHEZKIEL 33:26

Moiko in mopongatabí in kedangmu. Aidmu mokorongó. Moiko komintan nonuaḻing. Mokobaḻípa degá in moiko moguman kon butá tanaa moiko in kitogi?

YEHEZKIEL 38:10

Ki Tuhan Inta Totok in moḷantud in noguman kon i Gog, “Kon dodai intua iko in mogaid kon tomayá inta moraat.

YEHEZKIEL 46:18

Pongawasa tatua in diábí motaau in mogamá kon topiḻikmai in kapunyaan budel in rayatnea. Tongábí butánea tontaní in motaau ogoinea kon i adínea mita ḷoḷaki dá diábí tobatúmai in umat-Ku in motaau potondíon nongkon kapunyaannea.”

MIKHA 6:12

Intau mita inta nooyúon kon kotámu in mondorot kon intau nobogá, bo moiko komintan in mongopopak.

NAHUM 1:11

Nongkon inimu, ei Niniwe, noiangoidon in intau tobatú inta nopuḻing in tomayá moraat. Sia in nogaid kon tomayá sin moḷawang kon i Tuhan.

ZAKHARIA 7:10

Dikabí mondorot kon intau boba-bobay, adí uno-unon, intau mita ango-angoi inta nogutun kon yua-yuak monimu, andeka ki ineka in nobiag noyempeng. Bo dika doman monomayá kon moraat kon tumpaḷa intau.’

MARKUS 15:1

Subupa totok, bayongan Mahkama Agama, imang mita itoi bo itoi mita intau in Yahudi bo mototundú mita kon agama nogaid kon pinoyodungkuḷan motoyong. Onda intua sinogot monia in ḻima i Yesus bo dinia pinosarakan kon i Pilatus.

LUKAS 20:19

Mototundú mita kon agama bo imang mita itoi in nonotaaudon kon poumpamaan-Nea tatua in pinomakusud-Neabí kon i monia, dá ḷongasiondon monia domokon in Sia kon dodai intua. Táe mosia in moondok kon intau mobayong tatua.

YOHANES 19:11

Ki Yesus in notubag, “Aka ki Allah diá mobogoi in kawasa tatua kon inimu, yo beresibí diá in kawasamu kon i-Nakó. Tuamai intaubí inta noposarakan kon i-Nakó kon inimu in moḷobe-ḷoben in dosanea nongkon inimu.”

OUMAN IN RASUL MITA 23:12

Doḷo-doḷom nobangon monik, intau mita in Yahudi nomangkoidon nosipun kon intau. Bo mosia in nongibot kon diápabí mopongaa-ngaan andeka moponginu-nginum aka ki Paulus in diápa koḻimodan monia.

OUMAN IN RASUL MITA 23:15

Tuamai in moiko komintan poyotakindon in Mahkama Agama bo mayá moguman kon itoi in tontara tatua sinbá ki Paulus in diaannea bui kon tayowon monimu bo moiko in ki ubo-uboḷmai momirikisa. Sin kami in moḷongasidon moḻimod kon i Paulus wakutu in sia kon daḷanpa, diápa moiyaput in naa.”

SURAT I PAULUS KON JAMAAT RUM 1:30

mosia in moibog doman moporaa-raatmai kon tangoi intau ibanea; mokaḷakuang bo diá koendar, mosakí doman gina monia kon i Allah bo moibog doman totok mongonguman kon inta diá totuu. Mosia in mopandoi doman motayak kon cara mita mobagu kon pogaid kon inta moraat. Mosia moibog moḷawang kon guyanga;

ULANGAN 28:32

Kon tayowon matamu adímu mita in ogoi mobaḻí ata kon intau ango-angoi. Pomuḷoi in singgai matamu mopomporí in motayak kon i adímu mita, táe diábí in mangaḻenea, sin mosia in diábí mobui mangoi.