MIKHA 1:9 - Alkitab Singog In Mongondow Masa In Tanaa

⁹ Popisí in kekeb mita in Samaria diádon koundaman, bo Yohuda in koantugan doman in ukur inta motongkai. Bodito in noiyaputdon kon Yerusalem, bonawang in butá in bangusaku.

MIKHA 1:9 Iomraidhean Croise

YESAYA 3:26

Kon bonawang mita in kotá intau in mononogumatoi bo mogamui, bo kotá tatua tontaní in naonda bo bobay inta pinilangan inta iḻimitú kon butá.

YESAYA 36:1

Kon taong impuḷú bo opatnea kon pinomarentaan i Hizkia datu in Yohuda, kotá mita in Yohuda inta dininding sinubu bo sinaḷow i Sanherib, datu in Asyur.

YESAYA 36:2

Nopaḷut mako kon tua sia in nopotabá kon porwiranea moḷantud nongkon Lakhis minayá in Yerusalem moyotakin in tontara mobayong sin monuntut sinbá ki Datu Hizkia in tumungkud. Mosia in noiyaput in kotá tatua bo nogamá kon tampat kon gobá inta sinangoi Gobá in Momomatá, kon diug in got inta mogiḻig kon tubig nongkon tabang kon ḻimonikan.

YEREMIA 15:18

Nongonu sin akuoi in umuranbí mororiga? Nongonu sin kekebku in nodaḷombí bo diá mopopia? Degá makusud-Mu moponakit in ginaku naonda bo ongkag inta noingkagdon kon sempo in poninggai?”

YEREMIA 46:11

Ei intau in Mesir, bayádon kon Gilead sin motayak kon undam! Umpaka natua táe diábí in undam inta mokopia kon i monimu.

MIKHA 1:12

Anib nongkon i Tuhan in noidapotdon kon tayowon in bonawang in Yerusalem! Tuamai, diábí doman intau in Marot mogoḷatpa mako kon totuḷung.

MIKHA 6:13

Tanaa in pangkoion-Kudon sambokon bo rimumudon in moiko popisí in dosamu mita.

NAHUM 3:19

Ḷogit in awakmu diábí motaau undaman, bo kekebmu mita diádon mopia. Bayongan in intau inta mokodongog kon habar kinorimumudanmu monggoḷokap pia in gina. Sin bayongan in intau aindon nororiga popisí in aidmu moraat inta diá modai-dait tua.