MIKHA 1:3 - Alkitab Singog In Mongondow Masa In Tanaa

³ Sia in noponag nongkon pinogutunan-Nea inta motusi bo maya-mayá kon tudu in buḷud kon butá.

MIKHA 1:3 Iomraidhean Croise

AYUB 40:12

Oo, bobuidon in intau inta mokaḷakuang, potungkudon in sia! Rimumudon in intau moraat kon tampatnea.

MAZMUR 115:3

Ki Allah naton in kon soroga, Sia in mogaid kon onu in kinoibog-Nea.

YESAYA 25:10

Ki Tuhan in moḷukadbí kon Buḷud in Sion, táe Moab in ritakanbí naonda bo wawa kon yoyatan.

YESAYA 26:21

Ki Tuhan in moponagbí nongkon tampat-Nea kon soroga sin mohukum kon intau kon dunia sin dosa monia. Pinoḻimodan inta inaidan monia inumado-adop in poniatabí. Butá in diábí momumbun kon intau mita inta minatoi iḻimod.

YEHEZKIEL 3:12

Bo Roho i Allah in nobingkat kon inakó bo kon tumiku in kinodongoganku in singog in gotup inta noguman, “Dayowdon in kamuliaan i Tuhan kon soroga.”

AMOS 4:13

Buḷud bo tompot, ki Tuhanbí in nomaḻí; tomayá-Nea in pinoniata-Nea kon intau. Sia in nomia kon singgai bo doḷom; kon popod mita in butá Sia in nodondaḷoi, Ki Tuhan Allah Inta Totok in mokawasa, tuata in tangoi-Nea.

AMOS 9:5

Butá modandú bo intaunea in monogumatoi, popisí in iḻiai i Tuhan Inta Totok in moḷantud bo Inta Totok in mokawasa. Naonda bo Ongkag in Nil moponik bo moponag natua doman in mosia moponik bodongka moḷabú.

HABAKUK 3:19

Iko in nobogoi in ropot kon inakó naonda bo sioḷ in rusa, sioḷku in iniyotonan-Mu. Kinapit-Mu in akuoi sinbá moodom kon dodai in minayá kon buḷud.

ZAKHARIA 14:4

Kon singgai tatua Sia in simindogdon kon Tombuḷud in Zaitun, kon dotá in pomukaan nongkon Yerusalem. Dá Tombuḷud in Zaitun in kobotakan in ḷopá inta mobendar, pinangkoi kon pomukaan modapot in toyopan. Tongobotak in tombuḷud tatua in mopobayá ná utuan, bo tongobotak doman in mopobayá in toḷatan.

ULANGAN 32:13

Binaḻí-Nea in mosia nongawasa kon buḷud mita; mosia in nokaan kon bungai in boyó kon gobá mita monia bo nonginum kon biluk in kayuon kon buḷud batu. Mosia nokouḻí kon ḷana nongkon pangkoi in zaitun inta nobiag kon butá inta nopuḻing in batu.

ULANGAN 33:29

Kosanangdon in iko, ei Israel! Diábí in bangusa ná iko pinosaḷamat i Tuhan. Ki Tuhan in naonda bo pitow bo oḻingoi kon inimu; sin moduḷu kon inimu bo mobogoi in kauntungan kon inimu. Musungmu mita in mamangoibí mokikotabimai, bo iko in totokbí in moritak kon i monia.”