MIKHA 1:2 - Alkitab Singog In Mongondow Masa In Tanaa

² Indongogaidon, ei bangusa mita! Taridiaidon, ei intau mita kon sinangkub in dunia! Ki Tuhan Inta Totok in moḷantud mamangoi saḷaku sakusi moḷawang kon i monimu komintan! Indongogai in Sia mosingog nongkon Baḷoi-Nea inta motusi kon soroga.

MIKHA 1:2 Iomraidhean Croise

DATU MITA IMITÁNEA 22:28

Guman i Mikha, “Aka ki tuang datu bo mobui takin mosaḷamat, dá mangaḻenea kon tua kon ki Tuhan in diábí nosingog pinongin inakó! Bayongan intau kon naa in nobaḻí sakusi.”

TAWARIKH 2 18:27

Guman i Mikha, “Aka ki Tuang datu mobui mangoi takin pia-pia mako, dá mangaḻenea kon tua kon ki Tuhan in diábí nosingog pinongin inakó. Komintan intau kon naa in mobaḻí sakusi.”

MAZMUR 11:4

Ki Tuhan in oyúon kon Baḷoi-Nea inta motusi, tampat pomomarentaan-Nea in kon soroga. Sia in umuran monaridi kon umat intau bo nonotaau kon bayongan in oaid monia.

MAZMUR 24:1

Mazmur i Daud. Ki Tuhanbí in kitogi kon butá bo tombonunea, dunia bo bayongan inta nogutun kon tua.

MAZMUR 28:2

Indongogaipa in oigumku aka akuoi momaḷú mokituḷung, bo mopotundú in ḻimaku kon Baḷoi-Mu inta motusi.

MAZMUR 50:1

Mazmur i Asap. Tuhan, Allah Inta Totok in mokawasa, nosingog; Sia in nomaḷú kon sinangkub in butá nongkon pomukaan nodapot kon toyopan.

MAZMUR 50:12

Aka gogoyon in Akuoi, diábí bain poguman-Ku kon inimu, sin butá takin tombonunea in Akuoibí in kitogi.

MAZMUR 50:7

“Indongogaidon, ei umat-Ku, Akuoi in mosingog, Israel, Akuoi in moibog gumuman kon i monimu; Akuoi naa in ki Allah, Allahmu.

AMSAL 8:4

“Ei, umat intau, akuoi in momaḷú kon inimu; bayongan in intau kon dunia, taridiai onu in pogumanku!

YESAYA 1:2

Indongogaidon ei ḷangit, tondudutka ei butá! Ki Tuhan in noguman, “Adí mita inta ain biniag-Ku nomarontak kon i-Nakó.

YESAYA 18:3

Ei, moiko komintan inta nogutun kon dunia! Tondudut aka bandera mita pinopoponikdon kon tudu in buḷud mita! Indongogaidon aka torompet inirupdon!

YESAYA 50:7

Sin ki Tuhan Allah in notuḷung kon inakó, dá akuoi in diá pinokopo oyámai. Akuoi in noginrigon kon ginaku sinbá mokoigon; kinotaauanku kon akuoi in diábí pokopooyáanmai.

YEREMIA 22:29

Uḻe butáku, indongogai onu in pinoguman i Tuhan,

YEREMIA 29:23

Natuata in ukur monia popisí in nogaidon kon dosa mita moḷoben kon Israel: Mosia in nonuaḻing, bo nopomaké in tangoi i Tuhan sin mongonguman kon inta diá mita totuu. Tua in noyotoḻikud in ibog i Tuhan. Kinotaauan-Neabí in onu inta inaidan monia, bo sia tontaní in nobaḻí sakusi moḷawang kon i monia. Ki Tuhan ain nosingog.”

YEREMIA 42:5

Mosia in noguman kon inakó, “Poigumon nami ki Amá in mosambayang kon i Tuhan Allah naton, sin kami in moibogdon tumoḷutui kon i-Nia, sinbá kaadaan nami in mobaḻídon motompia. Dá, mopia andeka moraat in koyow i Tuhan tua, duduianbí nami. Pomayádon mako ki Tuhan in mobaḻí sakusi inta mojujur bo mosatia kon inami, aka kami bo diá dumudui kon bayongan in parenta inta ogoi i Tuhan kon inami pongin i Amá.”

YEREMIA 6:19

Taridiai, ei butá! Umat-Ku in doíbí motarima kon totundú-Ku bo diá motoindudui kon i-Nakó. Mobaḻí bungai in tomayá monia in popoangoi-Ku in inta mokororiga kon i monia.

YUNUS 2:8

Mososumba mita kon berhala inta diá in baragunanea, in nonaḷámaidon kon ini-Mu bo diádon notoḷutui.

HABAKUK 2:20

Ki Tuhan in kon bonu in Baḷoi-Nea inta motusi; maníka bayongan in intau kon dunia naa in kibio-biómai kon tayowon-Nea.

MALEAKHI 2:14

Moiko in moḻibó nongonu sin doíbí in Sia motarima. Popisí in kinotaauan i Tuhan in moiko kon diá motoindudui kon bobay inta sinonibuḷoi monimu kon dodai in noguodpa. Bobay tatua in yobayat kon kobiaganmu, táe moiko in nomaḻidawandon kon inia, Umpaka kon tayowon i Allah moiko in nodandidon kon umuran motoindudui kon i-Nia.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

ULANGAN 32:1

“Indongogaidon, ei ḷangit, akuoi in moibog mopotaau; ei butá, indongogaipa!

WAHYU 2:11

Ki ine in mokodongog, yo tarukira in onu in pinoguman in Roho i Allah kon jamaat mita! Mosia inta mountung, beresi bidon diá mokorasa kon roriga in kopatoian induanea.”

WAHYU 2:17

Ki ine in mokodongog, yo tarukira in onu inta pinoguman in Roho i Allah kon jamaat mita! Mosia inta mountung, ogoi-Ku mokaan kon manna inta noibuni, bo kon batúannea in motarima kon tobatú batu mobudó nongkon i-Nakó. Kon batu tatua in pinaisdon tangoi mobagu inta diábí kinotaauan i inekadon, koḻikudbí intau inta notarima kon tua.”

WAHYU 2:29

Ki ine in mokodongog, yo tarukira in onu in pinoguman in Roho i Allah kon jamaat mita!”

WAHYU 2:7

Ki ine in mokodongog, yo tarukiradon onu in pinoguman in Roho i Allah kon jamaat mita! Mosia inta mountung, ogoi-Ku mokaan kon bungai inta nongkon pangkoi in kobiagan inta nobiag kon taman i Allah.”

WAHYU 3:13

Ki ine in mokodongog, yo tarukira onu in pinoguman in Roho i Allah kon jamaat mita!”

WAHYU 3:22

Ki ine in mokodongog, yo tarukira in onu inta pinoguman in Roho i Allah kon jamaat mita!”

WAHYU 3:6

Ki ine i mokodongog, yo tarukira onu in pinoguman in Roho i Allah kon jamaat mita!”

HAKIM MITA 11:10

Mosia in notubag, “Moibog in kami. Ki Tuhandon in nobaḻí sakusi.”