MIKHA 1:11 - Alkitab Singog In Mongondow Masa In Tanaa

¹¹ Moiko intau i Sapir, pobuatdon bayá in poḷumbúan takin diá mogiḷambung bo takin oyá! Intau mita in Zaanan in diá mokobaḻí in ḷumuai nongkon kotá monia. Karak in intau in Bet-Haezel in mopoontong kon inimu kon tua in diádon in oḻiungan bui.

MIKHA 1:11 Iomraidhean Croise

YESAYA 16:2

Intau mita in Moab nogoḷat kon bingkí in Ongkag in Arnon sindaḷan maya-mayá takin notoboḻingo naonda bo ḷagapan inta inuntun nongkon pugadnea.

YESAYA 20:4

Datu in Asyur in modakopbí kon intau mita nongkon ḻipú doyowa tatua bo mosia in diaanbí sipilang. Noguyang noguod, komintanbí mayá takin diá koḷambung bo aip in sioḷ bo imbuḻínea in koontongan, nobaḻí singkuḻe kon Mesir.

YEREMIA 13:22

Degá moḻibó in moiko nongonu sin tua komintan in moiantugbí kon inimu, nongonu sin ḷambungmu in binerakbí bo moiko in pinakisa siniugan. Pokotaaudon kon tua in nobaḻí popisí in dosamu noiḻiudon in barong.

YEREMIA 48:6

Guman monia, ‘Koḷamemet! Posaḷamatdon in nyawamu! Poḷaguidon ná keledai kaḻig kon gurun!’

YEREMIA 48:9

Posindogdon in batu nisan kon i Moab, sin diádon moonggot bo butá tatua in yompatondon komintan. Kotánea mita in moumpagdon bo diádon tobatúmai in intau in mogutun kon tua.”

YEHEZKIEL 16:37

Tuamai, bayongan inta nokoimontandon kinotabimu sipunon-Ku, pinomayá inta kinoibogmu andeka inta kinodoímu. Simindogbí in mosia ḻimibu kon inimu bo moḷongkut kon bayongan in pakeangmu, dá ontongondon monia komintan in awakmu inta nopilang.

YEHEZKIEL 23:29

Popisí in doí in mosia kon inimu, bayongan in siniḷopíanmu in agowonbí monia. Iko in taḷaanbí diá koḷambu-ḷambung saḷaku sundaḷ bo indoianmai in bayongan in intau. Ḷanuan in ibog bo kotormu tuata

MIKHA 1:8

Tuamai in akuoi, ki Mikha, morobonoḷdon in ginaku bo mogamui. Akuoi in mayá takin diá mogiḷambung bo diá in aip in sioḷ sin moponiata kon totok in morobonoḷ in ginaku. Akuoi in mogayowdon naonda bo ungkú in kayuon bo mogayow naonda bo ḷagapan unta.

NAHUM 3:5

Ki Tuhan Inta Totok in mokawasa in noguman, “Ei Niniwe, iko in rorigaan-Ku! Pilangan-Ku in iko kon tayowon in bangusa mita, dá kororaatmu koontongan monia.

ZAKHARIA 14:5

Moiko in moḷaguibí mongin ḷopá inta nomotak kon tombuḷud tatua nobaḻí doyowa. Moiko in moḷaguibí ná mogoguyangmu kon tungkuḷ in ḻinug kon dodai in ki Uzia datu in Yohuda. Bo namangoidon in ki Tuhan Allahku, sinakinan in bayongan in malaekat.

YOSUA 15:37

Bo mopuḷú doman bo onom in kotá noiduduimai naa takin ḻipú mita kon diugnea: Zenan, Hadasa, Migdal-Gad, Dilean, Mizpa, Yokteel, Lakhis, Bozkat, Eglon, Khabon, Lahmas, Khitlis, Gederot, Bet-Dagon, Naama bo Makeda.