MAZMUR 99:8 - Alkitab Singog In Mongondow Masa In Tanaa

⁸ O Tuhan Allah nami, Iko in notubag kon umat-Mu; aka kon i monia yo Iko in ki Allah inta moibog mongampung, umpaka mosia ihukum-Mu popisí in taḷá monia.

MAZMUR 99:8 Iomraidhean Croise

SAMUEL 2 12:14

Tongá popisí in ki Tuang ain nopoompámai kon i Tuhan pinongin oaid tatua, dá ki adí ḷoḷaki i Tuang inta bagupa pinononggadí tatua in matoibí.”

MAZMUR 78:38

Táe ki Allah in notabi bo nongampung kon umat-Nea, bo diábí noyopú kon i monia. Nopobui-buimai Sia in nomondam kon torú-Nea, bo diá noponiata in yaat in gina-Nea.

MAZMUR 89:33

yo mosia in hukumon-Ku in sambok popisí in iḻimimpatdon, bo popoumaan-Ku in bodito popisí in dosanea mita.

IḶUAIAN 32:2

Bo ki Harun in noguman kon i monia, “Gamádon in nganti-nganting buḷawan inta pinaké i buḷoi bo i adí mita monimu, bo diádon mangoi kon inakó.”

IḶUAIAN 34:7

Umuranbí in Akuoi motabi kon ribuan buí bo mongampung kon taḷá bo dosa; táe intau inta kon dosa in diábí pomayá-Ku mako takin diá hukumon, bo hukumon-Ku doman in adí mita bain ompu modapot kon buí nogintoḷu bo noginggopat popisí in dosa in guyanga monia.”

MOHOHUTUBA 7:29

Tongábí naa in nouḻíku: Pinomia i Allah in kita diá noiḻiu bo biasabímai. Táe kitabí tontaní in mopororigamai bo mopoyagi-yagimai.

YEREMIA 46:28

Dá dikabí moondok, ei umat-Ku, Akuoi in mamangoibí sin moposaḷamat kon i monimu. Bangusa mita, inta pinoporaritan-Ku kon i monimu, komintanbí yopúon-Ku, táe moiko in diábí pomiaan-Ku natua. Totuu kon moiko in diábí moiḷagui nongkon hukuman táe hukuman-Ku kon i monimu in moadilbí podudui in inta ain sinantú. Akuoi, ki Tuhan, ain nosingog.”

ZEPANYA 3:7

Kon raian-Ku, ‘Tanaa in notantúbí kon umat-Ku in mohoromat kon i-Nakó bo mokidongog kon bayongan in toboḷow-Ku. Notantú bí kon kinotoropan monia totundú inta inogoi-Ku kon i monia.’ Táe noniata magí, nodugangbí in aid monia moraat nongkon inta muna.

PINOGIAPAN 20:12

Táe ki Tuhan nonoboḷow kon i Musa bo kon i Harun, kai-Nia, “Popisí in moiko diá totok mopirisaya kon i-Nakó moponiata in kawasa-Ku inta motusi kon tayowon in bangusa Israel, dá moiko in diábí mobaḻí itoi inta motaau modia kon i monia tumuot kon butá inta pinodandi-Ku kon i monia.”

PINOGIAPAN 20:24

“Ki Harun in diábí moituot kon butá inta ain pinodandi-Ku kon bangusa Israel; sia in matoibí sin popisí in kamunda ain noḷawang kon parenta-Ku kon diug in bokaká in Meriba.

SURAT I PAULUS KON JAMAAT RUM 1:21

Intau in nonotaau bidon kon i Allah, táe diábí i horomat monia in Sia saḷaku Allah bo mosia in doí doman mosukur kon i-Nia. Sin soaḷbí mita inta diá in mangaḻenea in raion monia; nosindipdon in gina monia.

ULANGAN 3:26

Táe moiko nokopomukádon kon torú i Tuhan kon inakó dá diádon sinubagan-Nea onu inta pinoigumku tua. Nodapotdon in ki Tuhan noguman: ‘Mobaḻídon, Musa, dikadon mokotangoi kon tua!