MAZMUR 98:1 - Alkitab Singog In Mongondow Masa In Tanaa

¹ Mazmur. Podondongdon in dondong mobagu kon i Tuhan, sin aid-Nea mita inta mokotongaw! Pinongin kawasa bo ropot-Nea tontaní Sia in nokountungdon.

MAZMUR 98:1 Iomraidhean Croise

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

AYUB 40:9

Moropot degá in iko ná Akuoi? Degá mokogonugur in singogmu ná singog-Ku?

MAZMUR 105:5

Ei buí i Abraham, mogogundoi-Nea, bo buí i Yakub, intau inta piniḻí-Nea, toropdon in bayongan inta mokoherang inta inaidan-Nea, dika mokoḻiong kon inta ain sinantú-Nea mita.

MAZMUR 136:4

Tongábí Sia in mogaid kon inta mokoherang mita moḷoben; tabi-Nea in umuran mononoi.

MAZMUR 139:14

Akuoi in modayow kon ini-Mu sin akuoi in diá in poḻiuan! Bayongan in aid-Mu in mokoherang bo mokotongaw, totokbí in kinotaauanku intua.

MAZMUR 149:1

Dayowdon in ki Tuhan! Podondongdon in dondong mobagu kon i Tuhan, dayowdon in Sia kon bonu in poyodungkuḷan in umat-Nea!

MAZMUR 33:3

Podondongdon in dondong mobagu kon i Tuhan, kutidon kopia in kecapi bo porogiowdon takin sanang!

MAZMUR 72:18

Dinayo-dayowdon in ki Tuhan, Allah in Israel! Tongábí Sia in mogaid kon inta mokoherang mita.

MAZMUR 77:14

O Allah, bayongan in aid-Mu in motusi, ki inebí in ná koḷoben i Allah nami?

MAZMUR 86:10

Sin Iko in motorindog bo nogaid kon inta mokoherang mita, tongábí Iko in Allah.

MAZMUR 89:14

Totuu moḷoben in kawasa-Mu, bo totuu motoyang in ropot-Mu!

MAZMUR 96:1

Podondongdon in dondong mobagu kon i Tuhan! Podondongdon kon i Tuhan, ei sinangkub in dunia!

MAZMUR 96:3

Oumandon in koḷoḷantud-Nea kon bangusa mita, bo aid-Nea mita inta motoyang kon umat intau.

IḶUAIAN 15:11

Ilahbí mita kon onda in mokoḻimonik kon ini-Mu, o Tuhan Inta Momulia bo motusi? Ki Ine in mokoaid kon inta mokoherang mita bo oaidan moḷoben ná inaidan i Tuhan?

IḶUAIAN 15:6

Ropot-Mu totok in mokoherang, o Tuhan, Binaḻí-Mu in musung norimumud.

YESAYA 12:5

Podondongdon kon i Tuhan, sin Sia in nomiadon kon nobayong in inta mokoherang. Pomayádon mako in sinangkub in dunia mokodongog kon onu inta inaidan-Nea.

YESAYA 42:10

Podondong in dondong mobagu kon i Tuhan, dayowdon in Sia ei sinangkub in dunia! Ponggonugurdon, ei dagat bo bayongan in tombonunea, ḻipú mita inta moyayú bo bayongan in intau inta nogutun kon tua!

YESAYA 52:10

Ki Tuhan in nopoontong in kawasa-Nea kon tayowon in mata in bayongan intau. Dá bayongan butá in mokoontongdon kon kasaḷamatan nongkon i Allah naton.

YESAYA 59:16

Noherang in Sia kon diádon in mamangoi bo diá in moduḷu. Dá nomaké in Sia in kawasa-Nea tontaní sin moposaḷamat bo mobogoi kon i monia in kountungan.

YESAYA 63:5

Akuoi in notayak táe diá in notuḷung, Akuoi in noherang sin diá in nobantung. Bo ropot-Ku tontaní in notuḷung kon i-Nakó, Torú-Ku in nobantung kon i-Nakó.

YEREMIA 31:22

Modapot in toonu moḻia-ḻiaw in ginamu, ei bangusa inta diá motoindudui kon i-Nakó? Akuoi in nomaḻídon kon inta mobagu kon dunia, tobatú inta diá notombuḷoi – naonda bo bobay diá motombuḷoi in moḷukad kon ḷoḷaki.”

LUKAS 1:49

Sin ki Allah inta totok in mokawasa ain nogaid kon oaidan inta totok in moḷoben kon inakó. Mokudus totok in tangoi-Nea

YOHANES 16:33

Naa komintan in poguman-Ku sinbá moiko in mokouḻí kon kobiagan motompia bo moonow sin notobatú-Kudon. Kon dunia naa moyoyangpabí in moiko, táe korotonbí in ginamu, sin Akuoi in diábí taḷowon in dunia naa!”

OUMAN IN RASUL MITA 19:20

Natuata in nobaḻí, dá pirman i Tuhan in totokdon in noibaya-bayá mako bo totokdon in moropot in pongarunea.

OUMAN IN RASUL MITA 2:11

oyúon in intau mita in Yahudi; bo oyúon doman intau nongkon ḻipú ibanea inta sinumuotdon kon agama Yahudi. Oyúon doman in intau inta namangoi nongkon Kreta bo Arab. Dinongogdon naton komintan in mosia tua in nosingog takin nomaké in bahasa naton, bo nopotaau in soaḷ mita mokoherang inta inaidan i Allah!”

KOLOSE 2:15

Kon kayu pinoyotaḻempang tatuata pinomia i Kristus in bayongan roho inta nomarenta bo inta nongawasa diádon nokopongonu bui. Mosia in pinomiadon tontonan in bayongan intau kon wakutu in diaan i Kristus in mosia saḷaku intau inta sinokodakop kon pinoramean in kinountungan-Nea.

WAHYU 14:3

Mosia tua in nopodondong in dondong inta mobagu kon tayowon tampat pomomarentaan bo kon tayowon in mahaḷuk opat bo itoi mita. Diábí in tobatúmai intau mokobalajar kon dondong tatua, koḻikudbí in intau inta 144.000 inta ain pinobebas nongkon dunia naa.

WAHYU 17:14

Mosia in noyopakat kon moparang kon i Adí in Domba tatua. Táe ki Adí in domba tatua takin dumodudui-Nea mita inta mosatia bo inta ain inoiní bo piniḻí-Nea tatua in monaḷow kon datu mita tatua, sin Siata in Tuang in bayongan tuang, bo Datu in bayongan datu.”

WAHYU 3:21

Mosia inta mountung, ogoi-Ku ḻimitú takin-Ku kon tampat pomomarentaan-Ku, notongkai doman ná Akuoi inta ain nountung bo tanaa mako in iḻimitú noyotakin i Amá-Ku kon tampat pomomarentaan-Nea.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.

WAHYU 6:2

Dá akuoi in nokoontong kon tobatú kabaḷo nobudó. Intau inta sinumakoi kon kabaḷo tatua in nokadai kon piot, bo sia inogoian doman in tobatú mahkota. Sia minayá in muna saḷaku inta nountung inta minayá notayak kon bá mountung.