MAZMUR 92:13 - Alkitab Singog In Mongondow Masa In Tanaa

¹³ Intau motuḻid in monubu naonda bo pangkoi in kurma, bo mobiag moḷumbá naonda bo pangkoi in ḷokuyú in Libanon.

MAZMUR 92:13 Iomraidhean Croise

TAWARIKH 2 4:9

Ki Datu Salomo in nomia doman kon dangkuḷon kon dotá in bonunea tampat in imang mita bo dangkuḷonnea kon dotá in ḷuai. Ḷoḻingkop mita kon ngara mita kon sigad in dangkuḷon doyowa tatua inaipan in bitú.

ESTER 9:4

Kon sinangkub in dodatuan, kinotaauan in intau mita kon ki Mordekhai tua in moḷobenbí totok in pongarunea kon komaḻig bo kodugang-kodugang domandon in kawasa nea.

MAZMUR 100:4

Tuotdon mongin bonawang-Nea takin dondong sukur, kon bonu in dangkuḷon-Nea takin dodayow mita. Posukurdon kon i-Nia bo dayowondon in tangoi-Nea!

MAZMUR 116:19

inta noyosipun kon palas in Baḷoi Tuhan, kon yua-yuak in kotá in Yerusalem. Dayowdon in ki Tuhan!

MAZMUR 135:2

inta nogundoi kon Baḷoi Tuhan kon pinogutunan i Allah naton.

DONDONG MOḶANTUD 4:11

Mopia in tosingogonmu mita, nonikaanku, naonda bo biluk taakan bo susu. Ḷambungmu in ná kobondu in Buḷud Libanon.

DONDONG MOḶANTUD 5:15

Sioḷnea naonda bo oigi mita marmar nobudó, inta inoḻitan in buḷawan taakan. Pongongawaknea ná kogaga in buḷud mita kon Libanon, bo ná kotaingkat in pangkoi in aras.

YESAYA 60:21

Intau mita inta nogutun kon butámu in mogaidbí kon onu inta totuu, mosia in mobaḻíbí kitogi in butá tatua modapot in mononoi. Mosia in naonda bo pinomuḷa inta cinangkok inta pinomuḷa-Ku tontaní, sin moponiata kon kamuliaan-Ku.

YESAYA 61:3

sin mobogoi in pia in gina bo ḷunganga in gina kon intau inta morobonoḷ in gina bo nonogumatoi; sin momaḷui kon inta mokoajar kon gina monia mobaḻí dondong dodayow. Mosia in nádon pangkoi in kayu tobatú inta pinomuḷa tontaní i Tuhan. Mosia in mogaidbí kon onu inta mopia bo mobanar, dá ki Tuhan in poḷantudon.

HOSEA 14:5

Ki Tuhan in noguman, “Umat-Ku inta nonuaḻing, gamáan-Ku bui bo kotabi-Ku takin ḻimbatú in gina; mosia in diá bidon torúan-Ku bui.

SURAT I PAULUS KON JAMAAT RUM 11:17

Tosilai in tanga mita in kayu Zaitun – tuata intau mita in Yahudi – ain pinongkó. Bo kon paḷot in pinomongkóan tatua pinopokompitdon in tanga in pangkoi zaitun ḷoḷog, tuata in ki utat mita inta deeman Yahudi. Ki utat pinopokompitdon kon tua sinbá ki utat in mokorasa kon bayongan inta mopia nongkon kobobiag in rohani in intau mita Yahudi.

SURAT I PAULUS KON JAMAAT RUM 6:5

Aka kita bo ain notobatú i Kristus sin kita ain noyotakin-Nea minatoi, dá kita in motobatúbí doman takin-Nea sin kita in moitakin biagon ná Sia.

EPESUS 3:17

Igumondon mako ki Kristus inta pinirisaya monimu in mogutundon kon bonu in gina monimu bo moiko in mobiag moidoyon kon bonu in tabi.

PETRUS 2 3:18

Umurandon kobiag in moiko kon bonu in totabi i Tuhan Yesus Kristus, Tuhan bo Mopoposaḷamat naton. Poramuji totok sinbá moiko modugangdon monotaau kon soaḷ Sia. Dinayo-dayowdon in ki Allah nongkon tanaa mako modapot in kopaḷutannea! Amin. Horomat nami, Ki Petrus