MAZMUR 87:1 - Alkitab Singog In Mongondow Masa In Tanaa

¹ Mazmur in inanakan i Korah, dondong tobatú. Ki Tuhan in noposindog in kotá-Nea kon tudu in tombuḷud inta motusi.

MAZMUR 87:1 Iomraidhean Croise

TAWARIKH 2 3:1

Ki Datu Daud in nonantúdon kon Baḷoi Tuhan in mustibí posindogon kon Yerusalem kon Buḷud in Moria kon tampat poḷoḻintogan kon gandum inta kapunyaan i Arauna intau in Yebus. Pinoposindogan kon Baḷoi Tuhan tua in ain pinangkoian i Datu Salomo

MAZMUR 121:1

Dondong mayá in Baḷoi Tuhan. Akuoi in inimindoi kon buḷud mita, nongkon onda in totuḷung kon inakó?

MAZMUR 122:2

Tanaa in kami moiyaputdon kon bonawang in kotá in Yerusalem.

MAZMUR 42:1

Kon i itoi in mododondong. Dondong totundú in inanakan i Korah.

MAZMUR 68:16

Buḷud in Basan in buḷud inta motoyang, buḷud inta nobayong in tudunea.

MAZMUR 78:69

Sia in noposindog in Baḷoi-Nea naonda bo pinogutunan-Nea kon soroga, bo naonda bo butá, noroton nodapot in mononoi.

YESAYA 14:32

Onu in potubag naton kon totabá mita inta namangoi nongkon bangusa in Pilistin? Kita in mopotaau kon i monia kon ki Tuhan ain noposindog in Sion, bo umat-Nea inta nororiga in ḷukadanbí kon tua.

YESAYA 28:16

Tuamai, ki Tuhan Inta Totok in moḷantud noguman nanaa, “Akuoi in mogukat kon dodoyonan inta moropot bo motorindog kon Sion; batu orotan tobatú inta moḷoben in mangaḻenea inta pinaisan: ‘Ki ine in morigon in pirisayanea, diábí umundok popisí in taḷowon.’

YESAYA 56:7

“Moiko in diaan-Kubí mayá in Sion, mayá in tombuḷud-Ku inta motusi, bo ogoian-Ku in ḷunganga in gina kon Baḷoi pooibadaan-Ku. Kuruban mita inta pinosumba monimu kon mezbah-Ku in tarimaan-Kubí. Baḷoi-Ku in tangoionbí baḷoi pososambayangan in bayongan bangusa.”

ZAKHARIA 8:3

Akuoi in mobui mangoi kon Yerusalem, kotá-Ku inta motusi tatua, bo mogutun kon tua. Yerusalem in kotaauandon saḷaku kotá inta motoindudui, bo tombuḷud i Tuhan Inta Totok in mokawasa in tangoionbí tombuḷud inta Motusi.

MATIUS 16:18

Bo Akuoi in moguman doman kon inimu, iko in ki Petrus, kon tudu in batu karang tanaa posindogon-Ku in jamaat-Ku; bo diábí in mokotaḷow umpakabí popatoi!

PETRUS 2 1:18

Kamibí tontaní in nokodongog kon singog tatua namangoi nongkon soroga wakutu in kami koyota-yotakin-Nea kon tudu in buḷud inta motusi tatua.