MAZMUR 86:5 - Alkitab Singog In Mongondow Masa In Tanaa

⁵ Iko in mopia, o Tuhan, bo moibog mongampung, intau inta mosambayang kon ini-Mu umuranbí kotabi-Mu takin tabi inta moiḻiu.

MAZMUR 86:5 Iomraidhean Croise

NEHEMIA 9:17

Mosia in diá motoindudui, bayongan in kopopia-Mu iḻiongdon, bo bayongan in oaid-Mu inta mokoherang diádon kinotoropan monia. Takin kaḷakuang nomiḻí in mosia kon itoi, sin modia kon i monia mayá in Mesir, bui mobaḻí ata. Táe Iko in ki Allahbí inta moibog mongampung, mosabar, mopia in gina bo nopuḻing in tabi. Tabi-Mu in diábí in poḻiuan; Diábí sinaḷáan-Mu in mosia.

MAZMUR 103:3

Sia inta mongampung kon dosamu, inta nongundam kon bayongan in takitmu,

MAZMUR 103:8

Sin ki Tuhan in motabi bo mopia in gina Sia in mosabar bo tabi-Nea in moiḻiu ḷoben.

MAZMUR 119:68

Sin Iko in mopia bo nopoaid in mopia, tundúai in akuoi in atorang-Mu mita.

MAZMUR 130:4

Táe Iko in moibog mongampung, sinbá intau in mobaḻí motoguondok.

MAZMUR 130:7

Pongamangdon kon i Tuhan, ei umat-Nea, sin Sia in umuranbí motabi, bo umuranbí nosadia moposaḷamat.

MAZMUR 145:18

Sia in modagin kon intau inta mokuani kon i-Nia, bo inta totu-totuu mopoigum kon i-Nia.

MAZMUR 25:8

Sin ki Tuhan tua in mopia bo moadil, Sia in motundú kon daḷan kon i monia inta noiḷaḻe.

MAZMUR 36:7

Kopopia-Mu in ná koḷantud in buḷud, bo kooadil-Mu in ná kodaḷom in dagat; intau bo mahaḷuk biniag-Mu, o Tuhan.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 52:1

Kon i itoi in mododondong. Dondong topotundú i Daud,

MAZMUR 69:14

Táe akuoi in nosambayang kon ini-Mu, o Tuhan, o Allah, tubagaipa in akuoi kon tungkuḷ inta mopia. Tuḷungaipa in akuoi podoyon kon tabi-Mu inta moḷoben bo popisí in kososatia-Mu.

MAZMUR 69:16

Dikabí pomayá mako in akuoi in moḷomot kon bokoḷ inta noponik, bo moitaḷom kon apad in dagat andeka ḷobongon kon bonu in bubú.

MAZMUR 86:15

Táe Iko, o Tuhan, ki Allah inta motabi bo mopia in gina, mosabar, nopuḻing in tabi bo mosatia.

IḶUAIAN 34:6

Onda intua ki Tuhan sinumaḻib kon tayowon i Musa bo noguman, “Akuoi ki Tuhan, in ki Allah inta nopuḻing in pia in gina bo tabi. Tabi-Ku mobarong totok, Akuoi naa in motoḷutui bo diá ḷagi tumorú.

YESAYA 55:7

Igumon mako intau inta moraat in monompiadon kon kobobiagnea, bo momaḷui kon pororainea. Biódon mako in sia in mobui mangoi kon i Tuhan, sinbá mokouḻí kon totabi-Nea. Igumon mako sinbá sia in mamangoi bui kon i Allah naton, sin ki Tuhan in mongampung takin pia in gina.

YEREMIA 33:3

“Pokuanidon kon i-Nakó, dá tubagan-Kubí; potaau-Kubí kon inimu in soaḷ mita inta mopia bo inta mokotongaw inta diápa kinotaauanmu.

YEHEZKIEL 36:33

Ki Tuhan Inta Totok in moḷantud in noguman, “Naonda in daritan-Ku mako in moiko nongkon bayongan in dosamu, ogoi-Kudon in moiko in mogutun bui kon kotámu mita, bo moposindog bui in apugnea mita.

YEHEZKIEL 36:37

Ki Tuhan Inta Totok in moḷantud in noguman, “Ei bangusa in Israel, moiko in ogoi-Kudon bui in mokituḷung kon i-Nakó; dugangan-Kudon bui in kobayongmu naonda bo paanan in domba.

DANIEL 9:9

Iko in umuran moibog mongampung bo motabi, umpakabí kami ain noḷawang kon ini-Mu.

YOËL 2:13

Bisi-bisídon in ginamu deemanbí ḷambungmu!” Pobuidon mangoi kon i Tuhan Allahmu. Sia in totuu kon mosabar bo motabi mopia in gina bo nopuḻing in tabi. Mopia in gina-Nea in mongampung bo doí mopobayá in hukuman.

YUNUS 4:2

Bo nosambayang in sia. “O Tuhan, aindon pinogumanku muna kon dodai in diápa nobuat nongkon baḷoiku koḻipod, kon notantúbí kon aidan-Mu in nanaa! Tuamai in akuoi bayá-bayádon noḷagui minayá in Spanyol! Kinotaauanku kon Iko in ki Allah inta totok in kototabi bo motanob, mosabar, moḷukó in dodia, bo umuranbí mosadia momaḷui kon tomayá mohukum.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

YOHANES 4:10

Ki Yesus in notubag, “Aka kuma bo kinotaauanmu in totabi i Allah bo kinotaauanmu in ki ine in noigum kon inumon kon inimu, yo nopasti bidon kon iko tontaní in moigumbí kon tubig inumon kon i-Nia tua. Bo ogoian-Neabí iko in tubig kobiagan tatua.”

OUMAN IN RASUL MITA 2:21

Kon singgai tatua ki ine in mokuani kon tangoi i Tuhan mosia in posaḷamaton.’

EPESUS 2:4

Táe moḷobendon totok in totabi i Allah! Ná domai tua in tabi-Nea kon i naton,