MAZMUR 85:5 - Alkitab Singog In Mongondow Masa In Tanaa

⁵ Tompiadon bui in kami, o Allah mopoposaḷamat nami, dikadon tumorú kon inami.

MAZMUR 85:5 Iomraidhean Croise

MAZMUR 60:3

Iko in nondoí kon inami, o Allah, bo nopomayá mako kon inami sinaḷow. Iko in sinumorú kon inami; tanaa in tompiadon bui in kami.

MAZMUR 74:1

Dondong topotundú i Asap. O Allah, degá modapot in mononoi taḷaan-Mu in kami? Nongonu sin Iko in umuranbí tumorú kon umat-Mu tontaní?

MAZMUR 77:9

Degá nogogaidon in Sia motabi kon inami? Degá diádon intompodan-Nea in dandi-Nea bui?

MAZMUR 79:5

O Tuhan, degá modapot in mononoi tumorú in Iko, bo intoi-Mu in moborambang naonda bo tuḷú?

MAZMUR 80:4

O Allah, tompiadon bui in kami; bobuipa kaasí in kami takin pia in gina, dá mosaḷamat in kami.

MAZMUR 89:46

Inimpoḷokan-Mu in kinotayowmobiagannea, bo sia in pinopokoḷoban in oyá.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

MIKHA 7:7

Táe kita in mongamang mako kon i Tuhan; pinodoyon kon koyakinan moḻimbatú kita in mogoḷat mako kon i Allah naton. Sia in mokidongogbí kon sambayang naton bo moposaḷamat kon i naton.

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

ULANGAN 29:27

Tuamai ki Tuhan sinumorú kon umat-Nea bo nopoangoi kon butá monia in bayongan bodito inta pinais kon bonu in buk tanaa.