MAZMUR 83:2 - Alkitab Singog In Mongondow Masa In Tanaa

² O Allah, dikabí tumon bobó, dikabí kaasí mokoyot kon dodob bo tongá kibio-biómai.

MAZMUR 83:2 Iomraidhean Croise

DATU MITA 2 19:28

Kinotaauan-Kubí kon iko in sinumorú totok kon i-Nakó, bo kinodongogan-Ku domandon in kaḷakuangmu tatua. Tanaa in popopakéan-Kudon in kokarit kon ngiungmu bo rante kon bibigmu, sinbá uguton-Kudon in iko mongin daḷan inta binayáanmu kon tungkuḷ in namangoi.”

MAZMUR 109:1

Kon i itoi in mododondong. Mazmur i Daud. O Allah inta tantúku dayowon, dikabí kaasí tongá kibio-biómai.

MAZMUR 74:23

Dika koḻiongan in kokow in musung-Mu mita, dowawá in ḷawang-mu mita modugangdon moropot!

MAZMUR 74:4

Musung-Mu mita in moromaḷú kon Baḷoi-Mu, bo mobangon kon bandera kinountungan kon tua.

MAZMUR 81:15

dá ḷagi-Kudon pokuyungon in musung monia, bo monaḷow kon bayongan in ḷawang monia.

MAZMUR 93:3

Apad in baḷangon nopodongogdon in singognea, o Tuhan, baḷangon in modugangdon kon singog in gonuaḷnea.

YESAYA 17:12

Bangusa mita inta moropot koyogotdon modowawá; singog in gotup naonda bo boḷontung in bokoḷ kon dagat inta motoyang.

YESAYA 37:23

Kinotaauanmu degá mongo ki ine in sinibáan bo siningkuḻemu tua? Akuoi, ki Allah in Israel, Allah inta motusi.

YESAYA 37:29

bo kinodongogan-Kudon in torú bo ḷoḷatúmu tatua. Tanaa in pinopoḷutudan-Ku in kokaud kon ngiungmu bo baḷaḷá kon bibigmu, sinbá iko in uguton-Ku mobui mongin daḷan inta binayáanmu kon dodai in iko namangoi.”

MATIUS 27:24

Naonda in kinotaauan i Pilatus kon diádon sia mokobayow kon i monia tua, nodapot in momangkoidon mokacau totok, dá sia in nogamá kon tubig bo nonomok kon tayowon in intau moantó bo noguman, “Diábí in taḷáku kon dugú in intau tanaa! Tua in urusanbí monimu tontaní!”

OUMAN IN RASUL MITA 16:22

Intau moantó kon tua in sinumakin doman moponapud in uboḷ kon i nayadua tua. Dá pomarenta mita tatua in nomera-merak kon ḷambung nayadua poḷat pinoki sambok kon intau mita kon tua.

OUMAN IN RASUL MITA 17:5

Táe nokoontongmai kon natua, intau mita in Yahudi totok nongointoi. Dá nogoinídon in mosia kon bayongan intau moraat kon tua inta tongá umuran moyo-moyosipun sin diá kooaidan bo pinarenta monia nongacau kon bayongan kotá kon tua bo minayá nonuntun kon baḷoi i Yason intau inta nopirisayadon kon i Tuhan Yesus poḷat notayak kon i Paulus bo kon i Silas sin bayáan potayow kon intau moantó.

OUMAN IN RASUL MITA 21:30

Dá notombaukdon in bayongan intau kon kotá tatua, bo bayongan in intau namangoi noyosipun. Mosia in nodomok kon i Paulus bo pinoḷuai monia nongkon Baḷoi Tuhan bo kon dodaipa doman tatua bayongan in ngara in Baḷoi Tuhan sinokoḻingkopan.

OUMAN IN RASUL MITA 22:22

Intau moantó kon tua in nokidongog kon i Paulus nodapot in singognea tatua; bo naonda intua mosia in nomangkoidon nomaḷú, “Ḻimodon in intau naníon. Diábí patus mobiag in sia!”

OUMAN IN RASUL MITA 23:10

Nodugangdon noḷoben in bobayowan monia tatua, dá noondokdon itoi in tontara tatua sin dikabo ḻibutan monia in ki Paulus bo patoion. Tuamai binayáneadon pinoki gamá in ki Paulus nongkon yuak monia tatua bo pinoki dia bui kon tampat monia tua.

HAKIM MITA 8:28

Intau in Midian diádon mokopongonu; mosia in sinaḷowdon in intau Israel. Dá noamandon in butá tatua kon bonu in opat nopuḷú notaong in koonggotnea kon dodai in ki Gideon nobiagpa.