MAZMUR 82:8 - Alkitab Singog In Mongondow Masa In Tanaa

⁸ Angoidon o Allah, sisigaidon in dunia, sin bayongan in bangusa Ikobí in kitogi.

MAZMUR 82:8 Iomraidhean Croise

MAZMUR 102:13

Táe Iko, o Tuhan, Datu inta mononoi, táe umuran sinorop dapot in adí bo ompu monag.

MAZMUR 12:5

inta moguman, “Kami in mongawasa takin dilá nami! Onukabí motaaubí singogon nami, bo diábí in mokoḷamboi!”

MAZMUR 2:8

Igumdon, dá bayongan in bangusa ogoi-Kubí kon inimu, bo sinangkub in dunia baḻíon-Kudon kapunyaanmu.

MAZMUR 22:28

Bayongan in bangusa in mokotoropbí kon i Tuhan bo mobuibí mangoi kon i-Nia, bayongan in suku bangusa in tumonsiupbí mosumba kon i-Nia.

MAZMUR 44:26

Kami in noḷabú bo norimumud kon butá, noiboḻingkayang kon ḷobud popisí in kotaḷá.

MAZMUR 7:6

yo pomayádon mako in akuoi inaḷowan bo dinomok in musung, poḷat iḻimod bo sinaḷáan mako natua kon butá.

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

MAZMUR 94:2

Sindogdon, o Hakim in sinangkub in dunia, hukumdon in intau mododia podudui in aid monia.

MAZMUR 96:13

Sin ki Tuhan in mamangoi momarenta kon butá, Sia in mohakimbí kon bangusa mita takin moadil bo mojujur.

YESAYA 51:9

Sindogdon o Tuhan, tuḷungaidon in kami, posaḷamatdon in kami in kawasa-Mu. Sindogdon ná kon tungkuḷ intua kon tungkuḷ in iko nomutuk kon i Rahab bo nonumbuk kon naga in dagat tatua nodapot in minatoi.

MIKHA 7:2

Intau motuḻid diádon in kon butá, intau inta motoindudui kon i Allah diádon mouḻí. Batúan in intau komintandon mogoḷat kon kasampatan moḻimod. Kon batúannea motaan kon poyogaḷap kon tumpaḷa intau.

MIKHA 7:7

Táe kita in mongamang mako kon i Tuhan; pinodoyon kon koyakinan moḻimbatú kita in mogoḷat mako kon i Allah naton. Sia in mokidongogbí kon sambayang naton bo moposaḷamat kon i naton.

ZEPANYA 3:8

Táe pokoingat! Oḷatdon in singgainea simindog in Akuoi saḷaku intau inta mopongadu. Sin sinantú-kudon kon modondon kon bangusa mita bo dodatuan mita sin mopoḷabú in torú-Ku kon i monia. Bayongan in butá in modaitbí kaanon in tuḷú torú-Ku.

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”