MAZMUR 82:3 - Alkitab Singog In Mongondow Masa In Tanaa

³ Duḷuaidon in adí uno-unon bo intau moyangkó, poaidon in moadil kon intau nobogá bo nororiga.

MAZMUR 82:3 Iomraidhean Croise

AYUB 29:12

Sin, sinuḷunganku in intau nobogá inta mokituḷung; ná doman tua in intau mita uno-unon inta diá in mototuḷungnea.

AYUB 31:21

Aka kuma bo akuoi in nokoimontandon nopororigamai kon uno-unon, sin moyakin kon mountungbí in kon pelekaraku,

MAZMUR 10:18

Adí uno-unon bo inta iroriga sinuḷungan-Mu in pelekaranea, sinbá diá in intau mopogogondok kon i monia.

IḶUAIAN 23:3

Dika mopoyoposi in intau aka kon ponantúan kon taḷá, umpaka intau inta pinoyotutui tatua in intau diá koonu bo onu.

IḶUAIAN 23:6

Dika tombogaanmu intau bogá aka monantú kon taḷá.

AMSAL 31:9

Ḷongasi in kopontingan monia, bo kobaḻíbí hakim inta moadil. Ḷukadai in hak in intau bogá bo intau inta iroriga.”

YESAYA 1:17

pobalajardon mogaid kon inta mopia. Posindogdon in inta moadil bo ḷumbúdon in aid mondorot; ogoidon kon uno-unon in hak monia bo duḷuai in pelekara in boba-bobay mita.”

YESAYA 1:23

Itoimu mita momomarontak bo nobaḻí ki ata in mononakow; mosia in moibog motarima kon tombuinag bo doit posogó. Mosia in doíbí moduḷu kon uno-unon kon pongadilan; doí mokidongog kon popongaduan in boba-bobay mita.

YEREMIA 22:3

“Pokoadildon bo pokojujur. Poḷuatdon nongkon kawasa in inta monondorot in intau inta dinorot. Dika mondorot andeka mopoaid in moraat kon intau ango-angoi, adí uno-unon, andeka boba-bobay. Dika moḻimod kon intau inta diá kotaḷá kon tampat tanaa.

YEREMIA 5:28

bo moḷongó bo mobiag motompia. Aid monia moraat diá in imbuitnea. Mosia in diábí moadil kon pelekara in adí mita uno-unon, bo diá moduḷu kon hak in intau mita inta dinorot.

ZAKHARIA 7:9

“Kon taong mita inta ain noitaḻib inogoi-Ku in parenta tanaa kon umat-Ku, ‘Moiko in mustibí mokopoadil, kototabi bo mopia in gina kon tumpaḷa intau.

ULANGAN 10:18

Sia in mopotutui kon hak in adí uno-unon bo inta dongka bobay-bobay sinbá moadil in popoaid kon i monia; Sia motabi kon intau ango-angoi inta nobiag kon yua-yuak in bangusa naton bo mobogoi kon i monia in kaanon bo pakeang.

ULANGAN 24:17

Dika mogagow kon hak in intau ango-angoi bo in adí uno-unon, bo dika mogamá kon pakeang in boba-bobay tobatú sin baḻíon jaminan.

YAKOBUS 1:27

Podudui ibog i Allah, ibada inta moitutui in motuḷungbí kon adí mita inta uno-unondon bo kon i monia inta dongkadon boba-bobay inta nobiag moyoyiga, poḷat doman moḷukad kon awak tontaní sinbá diá poguyaaton in dunia naa.