MAZMUR 81:8 - Alkitab Singog In Mongondow Masa In Tanaa

⁸ Kon bonu in susamu moiko in mokuani, bo Akuoi in noposaḷamat kon i monimu. Sinubagan-Ku in moiko nongkon gotup tampat inta pinogadopan-Ku, Sinungkuḷan-Ku in moiko kon bokaká in tubig Meriba.

MAZMUR 81:8 Iomraidhean Croise

MAZMUR 50:7

“Indongogaidon, ei umat-Ku, Akuoi in mosingog, Israel, Akuoi in moibog gumuman kon i monimu; Akuoi naa in ki Allah, Allahmu.

MAZMUR 81:13

Tuamai in pinomayá-Kudon mako in mosia motogat in gina; biódon mako in mosia in dumudui kon ibog monia tontaní.

IḶUAIAN 15:26

Guman i Tuhan, “Totu-totuudon dudui kon i-Nakó, bo aidaidon in onu inta ontongon-Ku mopia; duduiaidon in bayongan parenta-Ku. Aka aidan monimu intua, yo moiko in diábí hukumon-Ku poumáan in takit ná inta pinouma-Ku kon intau mita in Mesir. Akuoibí in ki Tuhan inta nonompia kon i monimu.”

IḶUAIAN 17:7

Tampat tatua sinangoian Masa sin kon tampat tatua intau Israel nonungkuḷ kon i Tuhan kon tungkuḷ in mosia noḻibó, “Degá sinakinan i Tuhan in kita ande diá?” Tampat tatua sinangoian doman Meriba sin kon tampat tatua intau Israel nongunsingog.

IḶUAIAN 19:16

Kon singgai inta nogintoḷu, dodai in doḷo-doḷomneapa nonggotup bo nongilat. Goḷom inta mobunod noitukatdon kon tudu in buḷud bo kinodongogandon singog in torompet inta totok in moḷangon. Bayongan in intau kon ḷoḷaigan urot mako sin moondok.

YESAYA 1:19

Aka moiko moibog motoindudui kon i-Nakó, moiko in motarimabí kon bayongan inta mopia inta ogoi in butámu.

PINOGIAPAN 20:13

Tuata in bokaká in tubig Meriba. Kon tampat tatua intau mita in Israel nongunsingog kon i Tuhan, bo kon tua doman ki Tuhan nopoontong in kawasa-Nea inta motusi kon bangusa tatua.

YOHANES 3:11

Pirisayadon: Kami in mosingog kon onu inta kinotaauan nami, bo tongábí doman onu inta ain inontong nami tua in potaau nami; táe moiko in doí motarima kon onu in pinotaau nami.

OUMAN IN RASUL MITA 20:21

Akuoi in umuran doman noponorop kon intau mita in Yahudi bo bangusa ibanea sinbá mosia in mogogaidon in mogaid kon dosa mita monia bo mamangoi kon i Allah poḷat mopirisayadon kon i Yesus Kristus ki Tuhan naton.

ULANGAN 32:46

ki Musa noguman, “Tarukiradon in bayongan parenta inta pinotaauku kon inimu singgai naa. Tundúdon kon i adímu mita, sinbá mosia umuran mosatia in mopoaid in bayongan hukum i Tuhan.

ULANGAN 5:27

Tuamai, bayádon Musa, bo indongogai in bayongan inta pinoguman i Tuhan Allah naton, bo potaaudon kon i nami onu in pinoguman-Nea kon inimu. Indongoganbí bo duduian nami.’

YOHANES 1 5:9

Kita in mopirisayabí kon kosakusian intau, táe kosakusianbí i Allah in moropo-ropot kon tua. Bo tuata in kosakusian inta ain inogoi i Allah soaḷ ki Adí-Nea.