MAZMUR 81:14 - Alkitab Singog In Mongondow Masa In Tanaa

¹⁴ Ah, aka kuma bo umat-Ku moibog mokidongog kon i-Nakó, aka kuma bo mosia moibog tumoindudui kon i-Nakó,

MAZMUR 81:14 Iomraidhean Croise

MAZMUR 47:3

Sin ki Tuhan Inta Totok in moḷantud in motoyang, Datu Momulia inta nongawasa kon sinangkub in butá.

YESAYA 48:18

Aka kuma bo iko noindoimai kon parenta-Ku mita, dá kobiaganmu motompia in naonda bo ongkag inta diá moingka-ingkag, bo kamujuranmu in naonda bo bokoḷ kon dagat inta diá mogoga-gogai.

AMOS 1:8

Intau mita bo mongongawasa in kotá in Asdod bo Askelon in inggamáan-Kubí. Kotá in Ekron in hukumon-Kubí bo bayongan in ki agat in intau in Pilistin in yompaton-Kubí komintan.”

ZAKHARIA 13:7

Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,

PINOGIAPAN 14:45

Dá intau in Amalek bo intau in Kanaan inta nogutun kon tua nonubu bo poḷat nonaḷow kon intau mita in Israel bo nondudur kon i monia nodapot kon Horma.

PINOGIAPAN 14:9

Dikabí moḷawang kon i Tuhan, bo dika moondok kon intau inta nogutun kon butá tatua, sin diábí moyoyiga naton in monaḷow kon i monia. Inta noḷukad kon i monia tua aindon nonaḷámai kon i monia, bo ki Tuhan in kotaki-takin naton. Dá, dikabí moondok.”

ULANGAN 10:12

“Tanaa, Utat mita, poḻimbonu kon gina onu in kinoibog i Tuhan Allahmu aidan monimu: Horomatbí in ki Tuhan Allahmu bo aidaidon in bayongan parenta-Nea. Kotabibí in Sia bo pooibada kon i-Nia takin kotompodon in gina bo ropotmu.

YOSUA 23:13

yo torop, kon notantú bidon kon ki Tuhan Allahmu in diábí mopoguntun in bangusa mita tatua sin kopiaan monimu. Sedang bo mosia tua in totokbí in mokobahaya kon i monimu, sin mosia tua in mobaḻídon naonda bo poyogaḷap kon i monimu. Pororigaandon totok monia in moiko; sin mosia in mobaḻídon naonda bo sambok kon ḻikudmu ande naonda bo dugi kon bonu in matamu. Moiko in umurandon mororiga modapot in diádon intau tobatúmai in kon sigad monimu in kotaḷáan kon butá inta mopia naa inta inogoi i Tuhan Allahmu kon inimu.