MAZMUR 81:12 - Alkitab Singog In Mongondow Masa In Tanaa

¹² Táe umat-Ku in doí mokidongog kon i-Nakó, Israel in doí motoindudui kon i-Nakó.

MAZMUR 81:12 Iomraidhean Croise

KINOBAḺIAN 6:3

Dá ki Tuhan in noguman, “Diábí ogoi-Ku in intau mobiag mononoi; mosia tua in mahaḷukbí ilo-ilow, inta musti matoi. Nongkon tanaa mako umur monia in diá bidon moiḻiu kon mogatut bodoyowá nopuḷú notaong.”

DATU MITA 2 18:12

Samaria in noḷabú popisí in intau Israel diá motoindudui kon i Tuhan, Allah monia. Mosia in noḻiong kon dodandian inta pinomia i Tuhan takin i monia, bo mosia in iḻimimpat kon bayongan in parenta i Musa, mogogundoi-Nea. Mosia in doíbí mokidongog bo doí doman dumudui.

NEHEMIA 9:16

Táe mogoguyang nami in mododia bo motogat in gina; parenta-Mu mita diábí dinuduian monia.

AYUB 8:4

Degá ki adímu mita in binaradosadon kon i-Nia, dá patusbí in mosia ihukum-Nea.

IḶUAIAN 11:9

Ki Tuhan noguman kon i Musa, “Ki Datu in diábí mopandungmai kon tosingogonmu, sinbá mobayongpa bui in inta mokoherang in aidan-Ku kon bayongan butá in Mesir.”

YESAYA 30:1

Ki Tuhan noguman, “Mobodito in intoi mita in Yohuda, sin mosia in momarontak kon i-Nakó. Mosia in dinumudui kon tomayá mita inta deeman tomayá-Ku. Mosia in notekeng kon dodandian inta noyoposi in ibog-Ku. Dá moguntu-guntuḷdon in dosa monia.

YESAYA 30:9

Sin, mosia tua in bangusa inta moibog momaḷawang kon i Allah, moibog monguboḷ bo diá kon dodai in onda in moibog mokidongog kon totundú i Tuhan.

YESAYA 42:24

Ki ine in nokiagow kon Israel? Ki Tuhanbí tontaní! Kita naa in binaradosa kon i-Nia, Kita in diá nobiag podudui in parenta-Nea, bo diá dinumudui kon totundú-Nea.

YEREMIA 42:21

Tanaa in pinotaaukudon in koyow in Tuhan Allah naton kon inimu, táe moiko in doíbí dinumudui kon koyow tatua.

YEREMIA 7:24

Táe mosia in doíbí mokidongog bo doí monondudut. Mosia in tongábí dinumudui kon ibog in gina monia tontaní inta motogat bo moraat tua. Mosia in deemanbí nobaḻí mopia táe nodugangbí moraat.

YEHEZKIEL 20:8

Táe mosia in noḷawang kon i-Nakó bo doí nokidongog kon i-Nakó. Mosia in doíbí noḷumbú kon patong mita inta mokorongó tatua bo diá doman moibog in mogogai in mosumba kon berhala mita in Mesir. Kon tungkuḷ in mosia kon tuapa, Akuoi in nosadiadon kon mopoḷuai in torú-Ku kon i monia.

HOSEA 9:17

Ki Allah inta inundoiku tua in mondoídon kon umat-Nea, popisí in mosia doídon mokidongog kon i-Nia. Mosia in maya-mayá mako kon sigad in bangusa mita.

IMAMAT 26:14

Ki Tuhan noguman, “Aka moiko diá mokidongog kon i-Nakó bo diá dumudui kon parenta-Ku,

OUMAN IN RASUL MITA 14:16

Koḻipod in pinomayápabí mako i Allah in intau mobiag podudui in ibognea tontaní.

OUMAN IN RASUL MITA 7:42

Dá sinaḷáanmai i Allah bo pinomayá-Neadon mako in mosia in nosumba kon tundi mita kon ḷangit. Tua in notongkai ná inta ain pinais kon bonu in buk nabi mita. Nanaa, ‘Ei intau mita Israel! Deemanbí Akuoi in pinorataan monimu bo pinobogoian in sosumba mahaḷuk kon bonu in opat nopuḷú notaong kon rawang bungaion.

SURAT I PAULUS KON JAMAAT RUM 1:24

Tuamai in pinomayádon mako i Allah in mosia kinawasa in ibog in gina monia mogaid kon inta moromú, sahingga in mosia mogaid kon onu inta mokokotor kon awak monia tontaní.

SAMUEL 1 8:19

Táe bangusa tatua in doíbí mokidongogmai kon tosingogon i Samuel tua, nodapotdon in mosia noguman, “Biódon mako! Kami naa in moibog bidon in datu tobatú.