MAZMUR 80:8 - Alkitab Singog In Mongondow Masa In Tanaa

⁸ O Allah Inta Totok in mokawasa, tompiadon bui in kami; bobuidon in kami takin pia in gina, sinbá mosaḷamat in kami.

MAZMUR 80:8 Iomraidhean Croise

MAZMUR 31:17

Igumon mako Iko in moibogpa kon mogogundoi-Mu; posaḷamatpa kaasí in akuoi popisí in tabi-Mu.

MAZMUR 44:2

O Allah, ain dinongog nami tontaní in ouman inta inouman in mogoguyang nami onu inta motoyang inaidan-Mu kon tungkuḷ intua.

MAZMUR 60:3

Iko in nondoí kon inami, o Allah, bo nopomayá mako kon inami sinaḷow. Iko in sinumorú kon inami; tanaa in tompiadon bui in kami.

MAZMUR 78:55

Kon tayowon in umat-Nea Sia nopoguntun in intau inta nogutun kon tua bodongka sinila-silai-Neadon in butá tatua kon bayongan in suku in bangusa in Israel, umat-Nea, dá mosia in motaaudon mogutun kon ḷoḷaigan mita in musung.

YEREMIA 12:10

Nobayong in mongongawasa ango-angoi in nomoguyaatdon kon gobá in anggur-Ku bo noruntai kon gobá-Ku mita. Ḻipú-Ku inta mogaga binaḻí monia padang gurun inta moingongow.

YEREMIA 2:21

Iko in pinomuḷa-Ku naonda bo pangkoi in anggur inta piniḻí-Ku nongkon batoḷ inta totok in mopia. Táe tanaa nobaḷuidon in iko, nobaḻídon pinomuḷa ḷoḷog bo diádon in baragunanea.

YEHEZKIEL 15:6

Tuamai ki Tuhan Inta Totok in moḷantud noguman, “Naonda bo pangkoi in anggur inta ginamá nongkon kayuon bo sinubá natua doman in pogogaid-Ku kon intau in Yerusalem!

YEHEZKIEL 17:6

Pinomuḷa tatua in nobaḻí pangkoi in anggur inta nobiag noompá táe totok in iḷumandai. Tanganea mita noibayá kon boniá tatua, bo uakatnea mita noikeket noropot kon bonu in butá. Pangkoi in anggur tatua nobambar totok.

YEHEZKIEL 19:10

Ki inámu in naonda bo pangkoi in anggur inta moḷumbá inta nobiag kon gobá kon diug in tapá. Nobaḻí in sia nobambar bo nomungai sin tubig kon tua mobarong totok.

OUMAN IN RASUL MITA 7:45

Kon singgai noiduduimai tampat tatua dinia in mogoguyang naton kon wakutu in mosia kotaki-takin i Yosua minayá nogagow kon butá naton naa nongkon kawasa in bangusa mita inta sinokountun i Allah kon tayowonmai monia. Ḷoḷaigan tatua nonahang kon tua nodapot in kon sempo i Daud.

YOSUA 13:6

Noituot doman in bayongan butá in intau in Sidon, inta nogutun kon buḷud kon sigad in buḷud mita in Libanon bo Misrepot-Maim.” “Bayongan in bangusa tatua in poguntunon-Kubí komintan, kon dodai in bangusa Israel monubudon kon i monia,” Guman i Tuhan noidudui kon i Yosua. “Butá tatua in mustibí sila-silaionmu kon umat in Israel sin mobaḻí kapunyaan monia, ná inta ain pinarenta-Ku kon inimu.