MAZMUR 78:5 - Alkitab Singog In Mongondow Masa In Tanaa

⁵ Kon bangusa in Israel inogoi-Nea in hukum-Nea, bo kon buí i Yakub in parenta-Nea. Sia in nopotabá kon mogoguyang naton motundú kon tua kon i adí mita monia,

MAZMUR 78:5 Iomraidhean Croise

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

MAZMUR 119:152

Nongkon koḻipodpabímai kinotaauanku nongkon totundú-Mu mita, kon Iko in nonantúdon kon tua modapot in mononoi.

MAZMUR 147:19

Sia in nopotaau in koyow-Nea kon umat-Nea, atorang bo hukum-Nea kon umat inta piniḻí-Nea.

MAZMUR 19:7

Sia in noḻibu kon ḷangit nongkon popodnea tobatú nodapot in popodnea ibanea; diábí in kotaḻiban in patúnea.

MAZMUR 81:5

Sin tua in tobatú atorang kon Israel, tobatú parenta nongkon i Allah i Yakub.

IḶUAIAN 12:27

Moiko in musti motubag, ‘Naa in kuruban in Paska sin mohoromat kon i Tuhan, sin baḷoi mita intau Israel kon Mesir sinaḻiban-Nea, kon tungkuḷ in sia noḻimod kon adí mita guya-guyang intau in Mesir, bo kita in pinomayá-Neadon mako in nobiag!’ ” Dá dinumokódon intau mita Israel bo nosumba.

IḶUAIAN 25:16

Bo batu doyowa inta pinomaisan kon parenta mita inta bain ogoi-Ku kon inimu bonudon kon poti tatua.

IḶUAIAN 25:21

Bonudon in batu doyowa tatua kon bonu in poti tatua bo popotaḷobdon in taḷobnea kon ḻimoniknea.

IḶUAIAN 40:20

Onda intua batu doyowa tatua pinobonunea kon bonu in Poti Dodandian. Bo ki Musa nopotaḷobdon in taḷob in Poti tatua bo pinoḷutudneadon in kayu tombuḻigannea kon bonu in ḻingkitnea.

IḶUAIAN 40:3

Diadon potuot in Poti Dodandian inta pinobonuan kon Parenta Mopuḷú bo popokoḷobdon in kaeng koḷobnea kon munanea.

YESAYA 38:19

Tongábí intau nobiag in modayow kon ini-Mu, ná inta inaidanku singgai in naa. Guyanga in mongonguman kon i adínea kon totuubí kon mosatia totok in Iko, o Tuhan.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

SURAT I PAULUS KON JAMAAT RUM 3:2

Mobayongbí totok in baragunanea! Muna-munamai, lantaranbí kon intaubí in Yahudi naa in pinopopirisayaan i Allah in singog-Nea mita.

EPESUS 6:4

Bo moiko uḻe guyanga mita ḷoḷaki! Dika rupa-rupaanmai monimu in mosia modapot in tumorú. Nanaa in aidai: biag in mosia kotompia bo tundú in onu inta mopia bo tongginaai podudui inta kinoibog i Tuhan.

ULANGAN 11:19

Tundúdon kon i adímu mita. Oumandon kon bonu in baḷoi bo kon ḷuai in baḷoi, kon dodai in mogogai ande kon dodai in mogaid.

ULANGAN 31:13

Pongin aid natua yo ki adímu mita inta diápa dodai in onda in nokodongog kon hukum i Tuhan Allahmu in mokodongogdon bo mobalajar mohoromat kon i Tuhan kon bonu in mosia mobiag kon butá inta diádon moonggot bo ḻitúan monimu kon ḷoḷan in Ongkag in Yordan.”

ULANGAN 32:46

ki Musa noguman, “Tarukiradon in bayongan parenta inta pinotaauku kon inimu singgai naa. Tundúdon kon i adímu mita, sinbá mosia umuran mosatia in mopoaid in bayongan hukum i Tuhan.

ULANGAN 4:45

Tua inaidannea naonda in mosia iḻumuai nongkon Mesir bo naonda in kon ḷopá kon dotá in pomukaan kon Ongkag in Yordan, noyogintayow in kotá in Bet-Peor. Butá tatua pernabí nobaḻí butá in Sihon, datu intau in Amori, inta tungkuḷ intua nomarenta kon kotá in Hesybon. Ki Musa bo bangusa Israel nonaḷow kon inia kon dodai in mosia iḻumuai nongkon Mesir.

ULANGAN 6:7

Tundúdon kon i adímu mita. Ouman intua kon bonu in baḷoi bo kon ḷuai in baḷoi, kon dodai in mogogai bo kon dodai in mogaid.