MAZMUR 78:12 - Alkitab Singog In Mongondow Masa In Tanaa

¹² Kon tayowon in mogoguyang monia, ki Allah nomia kon inta mokoherang kon butá in Mesir, kon ḷopá in Zoan.

MAZMUR 78:12 Iomraidhean Croise

KINOBAḺIAN 32:3

Nopaḷut mako kon tua ki Yakub nopotabá kon tongonumai in totabá minayá inumuna kon inia minayá in butá Edom sin mokipodungkuḷ kon i Esau, ki guya-guyangnea.

DATU MITA 2 17:7

Samaria in noḷabú sin intau in Israel binaradosa kon i Tuhan, Allah monia, inta ain noposaḷamat kon i monia nongkon datu in Mesir bo nodia kon i monia iḻumuai nongkon butá tatua. Mosia in nosumba kon ilah mita ibanea

NEHEMIA 9:10

Pinopoaid-Mu kon datu in Mesir in aid mita inta diá in poḻiuan, bo kon pogawai takin rayat kon butánea, sin kinotaauan-Mu naonda in pinororiga monia kon umat-Mu. Bo ponango-nangoiandon in tangoi-Mu noidapot in singgai naa.

MAZMUR 106:22

Totuu motoyang in aid-Nea mita kon butá tatua, mokotongaw onu in inaidan-Nea kon Dagat in Gelagah.

MAZMUR 135:9

Kon tua nobayong in inaidan-Nea in mokoherang bo tomponuot sin mohukum kon datu bo bayongan in pogawainea,

IḶUAIAN 7:1

Ki Tuhan noguman kon i Musa, “Akuoi in mopobaḻí kon inimu naonda bo ki Allah kon tayowon i datu, bo ki utatmu ki Harun in mosingog kon inia mobaḻí nabimu.

YESAYA 19:11

Totuu modondunguḷ in itoi mita in kotá in Zoan! Intau in Mesir inta totok in mobijaksana nobogoi in tonggina inta nobodok! Totuu mobarani mosia in moguman kon datu kon mosia in buí in intau mita mobijak bo datu dungkuḷmai!

YESAYA 19:13

Itoi mita in Zoan bo Mempis in intaubí mita inta dondunguḷ. Mosia in deemanbí mobaḻí itoi, táe mopoḷaḻebí kon bangusanea.

YEHEZKIEL 30:14

Sinangkub in Mesir toḷatan in baḻíon-Kubí moingongow totok bo kotá in Soan kon utuan in turubon-Ku. Tebe ki iná in kotá tatua in hukumon-Ku,

PINOGIAPAN 13:22

Muna-munamai mosia minayá kon dotá in toḷatan butá tatua bo noiyaput kon kotá in Hebron, tampat pinogutunan in intau mita in Ahiman, Sesai bo Talmai, buí i Enak. Hebron pinosindog noiuna pitu notaong nongkon kotá in Zoan kon Mesir.

ULANGAN 4:34

Dodai in onda in oyúon in ilah tobatú inta nobarani nogamá kon bangusa tobatú nongkon bangusa mita inta oyúon bodongka binaḻí umatnea tontaní, ná inta inaidan i Tuhan Allahmu kon inimu kon Mesir? Inontongdon monimu tontaní naonda in ki Allah takin ropot inta moḷoben nopoangoi in bodito bo parang, nomia kon inta mokoherang mita bo nomia kon soaḷ mita inta motoyang totok.

ULANGAN 6:22

Kami tontaní in nokoontong kon ki Tuhan nomia kon inta mokoherang mita bo inta mokoondok mita kon intau in Mesir bo datu monia takin bayongan intau moḷoben monia.

YOSUA 9:9

Mosia notubag, “Kami naa in namangoi nongkon butá inta totuu moyayú, Tuang, sin dinongogdon nami in soaḷ ki Tuhan Allah inta sinumba nai Tuang. Dinongogdon nami in bayongan inta pinomia-Nea kon Mesir,