MAZMUR 73:12 - Alkitab Singog In Mongondow Masa In Tanaa

¹² Natuata in kaadaan in intau moraat; kobobiagnea in moodom, kapunyaannea in tantú modugang.

MAZMUR 73:12 Iomraidhean Croise

MAZMUR 17:14

Poḷuatdon in akuoi nongkon intau mita inta nosipun kon kapunyaan kon dunia. Hukumdon in mosia in bodito inta ain sinadia-Mu kon i monia. Pomayádon mako in ki adí bo ki ompu monia hukumon doman.

MAZMUR 37:35

Akuoi in nokoontongdon kon intau moraat tobatú inta moambungangaḷ; sia in naonda bo pangkoi in kayu inta mopia bo uakatnea in noikanom noonag.

MAZMUR 49:6

Akuoi in diábí moondok kon tungkuḷ in singgai diá mopia, tungkuḷ in akuoi kinopung in musung inta moraat.

MAZMUR 52:7

Táe iko in yompatonbí i Allah modapot in mononoi; iko in dinomok bo pogarab nongkon baḷoimu, bo inggamáandon nongkon dunia in intau nobiag.

MAZMUR 62:10

Intau in tongábí gabut in poginaan, moḷoben mointok tumpaḷa diá koboḻi. Aka simbangon, noniata magí nogaanbí in mosia, mogaa-gaanbí kon tompot poginaan.

YEREMIA 5:17

Mosia in mokopodaitbí kon bungai in boyó bo kaanonmu poḷat moḻimod kon i adímu mita. Biag sapi bo dombamu in ratáanbi monia, bo gobá mita in anggur takin pangkoi mita in aramu in tokoyompatonbí monia. Kotá mita inta dininding inta pongata monimu in rimumudonbí monia.

YEREMIA 5:28

bo moḷongó bo mobiag motompia. Aid monia moraat diá in imbuitnea. Mosia in diábí moadil kon pelekara in adí mita uno-unon, bo diá moduḷu kon hak in intau mita inta dinorot.

LUKAS 16:19

“Oyúon intau nooyúon inta umuran mogiḷambung in ḷambung inta totok in momahaḷ, bo pomuḷoi in singgai sia in umuran mokaan kon kaanon inta mongopia.