MAZMUR 73:11 - Alkitab Singog In Mongondow Masa In Tanaa

¹¹ Guman monia, “Diábí kinotaauan i Allah, Ki Inta Totok in moḷantud diábí nomangaḻe.”

MAZMUR 73:11 Iomraidhean Croise

MAZMUR 10:11

Kainiakamai, “Kinoḻiongandon i Allah bo diá bidon inindoian mako; bo moiduduimai in diábí doman ontongon-Nea in akuoi!”

MAZMUR 10:4

Intau binaradosa in diábí mopandungmai kon i Tuhan, popisí in kaḷakuangnea dá norai in sia kon diábí in Allah.

MAZMUR 44:21

Aka kuma bo kami in diádon nosumba kon i Allah, táe nosambayangdon kon i ilah ibanea mako,

MAZMUR 73:9

Mosia in mohojat kon i Allah kon soroga, bo mongambungangaḷ kon intau mita kon dunia,

MAZMUR 94:7

Guman monia, “Ki Tuhan in diábí nokoontong kon tua, ki Allah i Yakub in diábí nonaridimai kon tua.”

YEHEZKIEL 8:12

Ki Allah in noguman kon inakó, “Ei intau inta ilo-ilow, inontongmu degá onu in inaidan in itoi mita in Israel takin inumado-adop? Mosia in noibada kon bonu in yuang inta nopuḻing in berhala sin kan Akuoi in nonaḷámaidon kon butá tanaa bo diádon noindoimai kon aid monia.”

HOSEA 7:2

Diábí kon dodai in onda in noiraimai kon i monia kon toropon-Kubí in bayongan in aid moraat tatua. Táe dosa mita monia in noikoḷobdon kon i monia dá nosilangdon totok kon mata-Ku.”

ZEPANYA 1:12

Kon oras tatua Akuoi in mogamá kon poḷombow, bo moḻikai kon kotá in Yerusalem. Hukumon-Kubí in intaunea mita inta diá mopandungmai tatua takin inta noorop in onu inta kon inia tontaní, bo inta norai kon Akuoi, ki Tuhan in diábí kon dodai in onda in mogaid kon nanaa andeka natua.