MAZMUR 72:8 - Alkitab Singog In Mongondow Masa In Tanaa

⁸ Dodatuannea in modugang nongkon dagat mopobayá in dagat, moibandang nongkon pomukaan dapot in toyopan.

MAZMUR 72:8 Iomraidhean Croise

DATU MITA IMITÁNEA 5:1

Ki Hiram, datu in Tirus, umuran noyobayat i Datu Daud. Naonda in kinodongogan i Hiram kon ki Salomo in nobaḻídon datu nonoḻiu kon i Daud, ki amánea, sia in nopotabá in intaunea namangoi kon i Salomo.

MAZMUR 2:8

Igumdon, dá bayongan in bangusa ogoi-Kubí kon inimu, bo sinangkub in dunia baḻíon-Kudon kapunyaanmu.

MAZMUR 80:11

Sia in nogoḻiung kon tombuḷud mita bo tanganea mita in noikoḷobdon kon pangkoi mita in aras inta moḷoben totok.

MAZMUR 89:25

Akuoi in umuranbí motabi kon inia bo mosatia kon inia, bo baḻíon-Ku in sia kodugang-kodugang in kawasanea.

MAZMUR 89:36

Kokomintan tua modapot in mononoi Akuoi in mongibot podoyon kon tangoi-Ku inta motusi; Akuoi in diábí monguboḷ kon i Daud.

IḶUAIAN 23:31

Sigad mita in butámu in tantúon-Kudon nongkon Teluk Akaba modapot kon Ongkag in Eprat, bo nongkon Dagat Toyuak modapot kon padang gurun. Moiko ogoian-Ku in kawasa mongawasa kon intau mita inta nogutun kon butá tatua, modapot in mosia kountunandon monimu kon dodai in moiko mayá mogagow kon butá tatua.

ZAKHARIA 9:10

Ki Tuhan in noguman, “Kereta mita in parang nongkon Epraim in ḷumbúon-Kubí, bayongan in kabaḷo kon Yerusalem in yopúon-Kubí bo bayongan in piot in tokorimumudon-Kubí. Datumu in mopotaaubí in dodamean kon sigad in bangusa mita. Nongkon dagat mopobayá in dagat siabí in mongawasa, nongkon Ongkag in Eprat nodapot in popod in dunia.”

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”