MAZMUR 72:6 - Alkitab Singog In Mongondow Masa In Tanaa

⁶ Igumon mako sia in naonda bo uyan inta noḷabú kon rawang, naonda bo uyan morogot inta nomuntad kon gobá mita.

MAZMUR 72:6 Iomraidhean Croise

SAMUEL 2 23:4

Sia in naonda bo sindar in mata in singgai doḷo-doḷom kon doḷo-doḷom inta diá in goḷom. Sia in naonda bo sindar in mata in singgai nopaḷut mako in nonguyan nomaḻí kon bonok noḷunow mopouḻi-uḻinag.”

MAZMUR 65:10

Butá tatua in iḷukadan-Mu bo inogoian in uyan, pinoḷumbá-Mu dá nobayong in bungai in boyónea. Ongkag mita binonuan-Mu in tubig kinopuḻing, sinadia-Mu in gandum kon i monia, oo, natuata in pinososadia-Mu kon inia.

AMSAL 16:15

Kopopia in gina i datu mokopoangoi kon kobiagan motompia, naonda bo goḷom mopoḷabú in uyan kon tungkuḷ in pononinggai.

AMSAL 19:12

Torú in datu naonda bo ganggor in singa; kopopia in datu naonda bo oḷú inta momobat kon mobobiag mita.

YESAYA 5:6

Pomayá-Kubí mako in sia in kobiagan in bonok. Pangkoi in anggurnea diábí rapadan-Ku, bo diábí tuyangan-Ku. Modapotbí in pomayá-Ku mako kokoḷoban in mainggoa bo bonok, nodapot in goḷom mita diá ogoi-Ku mopoḷabú in uyan kon tudunea.”

HOSEA 6:3

Tuamai in koḻigai in kita moḷongasi totu-totuu monotaau kon i Tuhan. Sia in notantúbí kon mamangoi kon i naton naonda bo koangoi in bayag doḷo-doḷom, bo naonda bo uyan inta nomuntad kon butá kon imbuit in pongonguyan.”

MIKHA 5:6

Intau in Israel inta ki agatneapa in mobaḻídon naonda bo oḷú moonow nongkon i Tuhan kon mobayong in bangusa, bo naonda bo uyan nomonag kon pinomuḷa. Mosia in umandoḷbí kon i Allah, bo deeman kon intau.

ULANGAN 32:2

Poigumon mako in topotundúku mamonag naonda bo uyan, bo tosingogonku motait naonda bo oḷú, naonda bo rinsi-rinsik in uyan kon tudu in bonok, bo uyan inta morogot kon pinomuḷa mita.