MAZMUR 72:4 - Alkitab Singog In Mongondow Masa In Tanaa

⁴ Igumon mako ki Tuhan in moduḷu kon hak in intau inta dinorot, motuḷung kon intau mita nobogá bo moyompat kon intau mita inta nondorot kon i monia.

MAZMUR 72:4 Iomraidhean Croise

AYUB 34:24

Diá bidon monaridi bo momirikisa in Sia in mopogogai kon pongawasa bo moduí kon toḻiunea.

MAZMUR 109:31

Sin Sia in moduḷu bo moposaḷamat kon intau bogá nongkon i monia inta mopoḷabú in hukuman matoi kon inia.

MAZMUR 2:9

Mosia in putoḷonmubí in tungkud uatoi bo ḷosionmu naonda bo kuyon butá.’ ”

MAZMUR 94:5

Mosia in mondorot kon umat-Mu, o Tuhan, bo nomutuk kon intau mita inta piniḻí-Mu.

AMSAL 20:26

Datu inta mobijaksana kotaauanneabí in intau inta moraat; hukumonneabí in mosia bo diábí in ampung.

YESAYA 11:4

Intau bogá ihakimnea kinoadil, intau inta diá kodaya dinuḷuannea takin gina motuḻid; intau kotaḷá ihukum podudui in parentanea, intau moraat iyompatnea.

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

YESAYA 42:3

Aog inta noikoḷungdon diábí putoḷannea, togá inta nokuyoyowdon diábí piongannea. Takin satia in sia in moponiata kon inta totuu,

YESAYA 9:4

Singog in sapatu in tontara inta kodongogan bo ḷambungnea inta nopuḻing in dugú, modait kaanon in tuḷú.

ZAKHARIA 11:11

Kon singgai doman tatua dodandian tatua irabutdon. Mopopotaḷui mita in domba tatua monaridimai kon inakó, bo mosia in nonotaaudon kon ki Tuhan in koyogotdon in mosingog pinongin bayongan in aidku.

ZAKHARIA 11:7

Akuoi, ki Zakharia, inuboḻian in mopopotaḷui mita kon domba sin moḷukad kon domba mita inta ratáan. Oyúon in tungkudku; tobatú in sinangoianku “Totabi” bo tobatú in “Bogotan”. Onda intua akuoi in nomangkoidon noḷukad bo nonompia kon domba mita tatua.

MATIUS 11:5

Moiko ain nokoontong: intau bilog mokoindoi, intau ḻempeng mokobayá, intau pinanyaki kuḻit inta mokorongó nopia, intau bongoḷ mokodongog, intau minatoi in nobangon bo Habar Mopia pinoyaput kon intau mita bogá.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

WAHYU 18:24

Babel ihukum sin kon bonu in kotá tatua kinokadapatandon dugú in nabi mita, dugú in umat i Allah, singogon mako kopoḷokon dugú in bayongan intau inta ain iḻimod kon dunia naa.

WAHYU 19:2

Sin pohohakim-Nea in moadil bo mobijaksana! Sia ain nopoḷabú in hukuman kon sundaḷ moḷoben, inta nomoguyaat kon dunia naa takin aidnea inta mokotor. Ki Allah ain nohukum kon sundaḷ tatua, sin sia in noḻimod kon intau mita inta nogaid kon oaidan i Allah.”