MAZMUR 72:3 - Alkitab Singog In Mongondow Masa In Tanaa

³ Igumon mako butá nami in motomoman bo mobiag motompia, bo inta moadil oyúon kon bayongan in bangusa.

MAZMUR 72:3 Iomraidhean Croise

MAZMUR 65:12

Popisí in kopopia-Mu, pomuḷoi in taong sinadia-Mu in bungai in boyónea; kon onda in angoian-Mu, mobayong in mouḻí.

MAZMUR 72:16

Igumon mako gandum in bontu-bonturung kon sinangkub in butá, bo tombuḷudnea mita mopuḻing in bungai in pinomuḷa. Igumon mako butánea in moḷumbá naonda bo Buḷud in Libanon, bo intau in kotánea in modugang naonda bo bonok kon rawang.

YESAYA 45:8

Nongkon ḷangit pinoonag-Ku in kauntungan naonda bo uyan, butá noibog in notarima kon tua, bo nopomuká in kasaḷamatan bo kabebasan; Akuoi ki Tuhan inta nopobaḻí intua.”

YESAYA 52:7

Totuu mosanang in mokoontong kon koangoian in totabá, Sia in mayá mongin buḷud bo modia kon habar mopia habar kobiagan mopia, habar kasaḷamatan kon Sion, kainia, “Allahmu in Datu!”

YESAYA 60:17

Akuoi in nodia kon buḷawan nobaḻí toḻiu in bitú, bo saḷaka nobaḻí toḻiu in uatoi. Ogoi-Ku in bitú nobaḻí toḻiu in kayu, bo uatoi nobaḻí toḻiu in batu. Butámu in baḻíon-Ku moaman bo mobiag mosanang, bo pinarenta kinoadil.

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

YOËL 3:18

Kon singgai tatua buḷud mita in mopuḻingbidon in gobá in anggur. Bobiagon mita in mokaan bidon kon bonok kon tombuḷud mita inta moḷumbá. Ongkag mita kon Yohuda diábí kon dodai in onda in modait in tubignea. Ongkag tobatú in moiḻigbí nongkon Baḷoi Tuhan, bo mopomuntad in tubig moonow kon Ḷopá in Akasia.