MAZMUR 71:7 - Alkitab Singog In Mongondow Masa In Tanaa

⁷ Kobiaganku in nobaḻí dodayanan kon intau mobayong, sin Ikobí in moḷoḷukadku inta moropot.

MAZMUR 71:7 Iomraidhean Croise

MAZMUR 61:3

Noyayú nongkon baḷoi akuoi in mokuani kon ini-Mu, sin akuoi in kinodaitandon in kamang. Iko in mogatodbí kon inakó mayá in pogogadopan inta moaman, tampat inta totuu moḷantud kon inakó;

MAZMUR 62:7

Tongábí Sia in mogoḻiung bo moposaḷamat kon inakó; Sia in mododuḷuku, diábí in akuoi motundan.

MAZMUR 62:8

Siabí in ki Allah inta nobogoi kon inakó in kasaḷamatan bo kahoromatan, Sia tua in mogogoḻiungku bo mododuḷuku inta moropot.

MAZMUR 62:9

Ei bangusaku, pongamangdon kon i Allah pomuḷoi mako; potaaudon kon i-Nia onu in kon bonu in ginamu, sin Siabí in tampat naton poniungan.

YESAYA 8:18

Naa in akuoi bo adí mita inta inogoi i Tuhan kon inakó. Ki Tuhan Inta Totok in mokawasa inta nomarenta kon Buḷud in Sion, nopotabá kon inami mobaḻí tomponuot kon umat in Israel.

YEREMIA 16:19

Tuhan, Ikobí in inta noḷukad kon inakó bo nobogoi in ropot kon inakó; Iko in notuḷung kon inakó kon dodai in nororiga. Bangusa mita nongkon popod in butá in mamangoibí kon ini-Mu bo moguman, “Mogoguyang nami in tongábí oyúon in ilah uboḷ inta totokbí in diá in mangaḻenea.

ZAKHARIA 3:6

Onda intua malaekat i Tuhan nopotaau in tosingogon i Tuhan kon i Yosua,

ZAKHARIA 3:8

Indongogaidon ei Imang Moḷoben Yosua, bo moiko doman imang mita inta nobaḻí yobayatnea mita, moiko komintan in nobaḻí lambang in singgai moiduduimai inta mopia. Kon singgai tatua Akuoi in mopotabá kon bobantung-Ku inta sinangoi ‘Tokat’.

LUKAS 2:34

Ki Simeon nomarakat kon i monia bo noguman kon i Maria ki iná in Adí tatua, “Adí tanaa aindon piniḻí i Allah sin momutú bo moposaḷamat kon moantó intau Israel. Sia in mobaḻí tanda nongkon i Allah, inta bayowan in moantó intau,

OUMAN IN RASUL MITA 4:13

Intau mita kon tua inta nosidang kon i Petrus bo kon i Yohanes noherang totok in nokoontong kon kobobarani nayadua, bokaka kinotaauanbí monia kon taya dua tua in intaubí inta diá nosikoḷa. Bain tua bo kinotoropan monia kon taya dua tua in dumoduduibí i Yesus.

KORINTUS 1 4:9

Sin aka kon raianku, kami inta ain binaḻí i Allah rasul naa in intaubí moompá totok, nábí ondabo intau inta iḷabúan in hukuman mokopatoi kon tayowon intau moantó bo totok in giowan bayongan intau sin mopia-pia in gina monia.