MAZMUR 71:6 - Alkitab Singog In Mongondow Masa In Tanaa

⁶ Kinoouput in kobiaganku akuoi in kumadai kon ini-Mu; Iko in nogoḻingoi kon inakó pinangkoi kon akuoi pinononggadí dá akuoi in umuranbí modayow kon ini-Mu.

MAZMUR 71:6 Iomraidhean Croise

MAZMUR 22:11

Nongkon pinononggadípamai, ukurku in kon bonubí in kawasa-Mu, pinangkoipabímai kon bonu in bobuḷadían, Ikobí in ki Allahku.

MAZMUR 34:1

Mazmur i Daud, kon tungkuḷ in sia sinumon intau nobundai kon tayowon i Abimelek, dá inuntun in sia bo minayá.

MAZMUR 40:4

Sinundú-Nea in akuoi nopodondong in dondong mobagu, dondong dodayow kon i Allah naton. Nobayong in intau in nokoontong bo inagían in ondok, bo nopirisaya kon i Tuhan.

MAZMUR 71:14

Táe akuoi in umuranbí mongamang mako kon ini-Mu, bo mokakitdon modayow kon ini-Mu.

AMSAL 8:17

Akuoi in motabi kon i monia inta moibog kon inakó; inta motayak kon inakó, in moyodungkuḷkubí.

YESAYA 49:1

Indongogaidon in Akuoi, ei butá mita inta moyayú tondudut kopira in tosingogonku mita. Ki Tuhan in nogoiní kon inakó kon dodai in Akuoi diápa pinononggadí, Sia in nomiḻídon kon inakó pinangkoipamai kon akuoi in bonupa in sian.

YESAYA 49:5

Kon tungkuḷ in diápa pinononggadí, akuoi inoiní i Tuhan nobaḻí mogogundoi-Nea sin mosipun kon umat in Israel, sinbá mosia in mobui mamangoi kon i-Nia. Ki Tuhan in nopobaḻí kon inakó ihoromat, ki Allah in nobaḻí ropotku.

YEREMIA 1:5

“Kon dodai in Akuoi diápa nomia kon inimu kon bonu in sian i inámu, bo kon dodai in iko diápa pinononggadí, Akuoi ain nomiḻí kon inimu bo noduí kon inimu mobaḻí nabi kon bangusa mita.”

YEREMIA 3:4

Kon dodai in rorigamu tatua iko in noguman kon i-Nakó kon Akuoi in ki amámu, bo Akuoi in motabi kon inimu pinangkoipamai iko nointokpa.

GALATIA 1:15

Tongá pinodoyonbí kon tabi i Allah, sahingga in piniḻí-Nea in akuoi kon tungkuḷ in kon bonupa in sian i ináku. Inoiní-Nea in akuoi sin mogaid kon oaidan-Nea.

EPESUS 5:20

Umurandon in moiko mopoyaput in sukur kon i Allah, ki Amá naton kon bayongan in yagi-yagi podoyon kon tangoi Yesus Kristus, ki Tuhan naton.