MAZMUR 7:9 - Alkitab Singog In Mongondow Masa In Tanaa

⁹ Iko in mohakim kon umat intau; pobayádon in inta moadil, o Tuhan, sin diábí kotaḷá in akuoi.

MAZMUR 7:9 Iomraidhean Croise

KINOBAḺIAN 20:5

Ki Abrahambí tontaní in noguman kon bobay tatua in ki ai-ainea, bo bobay tatua in noguman doman natua. Tua in pinomiakubí takin gina inta modarit, dá diábí in akuoi kotaḷá.”

DATU MITA IMITÁNEA 8:32

o Tuhan, igumon mako indongogan-Mudon nongkon soroga bo tantúdon in pelekara in bobantung-Mu mita tanaa. Hukum inta kotaḷá podudui in oaidnea bo poḷuatdon kon hukuman in intau inta diá kotaḷá.

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

MAZMUR 10:15

Putoḷaidon in kawasa in intau moraat bo moromú; hukumdon in mosia popisí in aidnea modapot in mosia motobat.

MAZMUR 10:18

Adí uno-unon bo inta iroriga sinuḷungan-Mu in pelekaranea, sinbá diá in intau mopogogondok kon i monia.

MAZMUR 11:5

Ki Tuhan in nonungkuḷ kon intau mopia bo intau moraat, dinoí-Nea in intau inta moḻingá.

MAZMUR 139:1

Kon i itoi in mododondong. Mazmur i Daud. O Tuhan, kinodoḷopan-Mu in ginaku bo kinotaauan-Mu in akuoi.

MAZMUR 17:3

Aka ujion-Mu in ginaku bo mamangoi monaridi kon inakó kon dodai in doḷom, yo mouḻí-Mubí kon motuḻid in ginaku; onu in siningogku noitombutungbí kon onu in iraiku.

MAZMUR 18:21

Ki Tuhan in notuḻí kon aidku inta noitutui; binarakatan-Nea in akuoi sin akuoi in diá kotaḷá.

MAZMUR 26:2

Taridiaidon in akuoi, o Tuhan, bo tungkuḷaidon in akuoi, tarididon in ibog bo raianku.

MAZMUR 35:23

Sindogdon bo duḷuai in pelekaraku, o Allahku bo Tuhanku, tuḷungaipa kaasí in akuoi!

MAZMUR 37:23

Ki Tuhan in motundú kon daḷan in intau inta kobobiagnea mokosanang kon i-Nia;

MAZMUR 40:2

Nosabarbí in akuoi in nogoḷat mako kon totuḷung i Tuhan; bo sinaridian-Nea in akuoi bo nokidongog kon kuaniku.

MAZMUR 43:1

Ogoidon kon inakó in inta moadil, o Allah, duḷuaidon in hakku nongkon bangusa inta moraat. Poḷuatdon kaasí in akuoi nongkon intau moraat bo motombuḻitok.

MAZMUR 44:21

Aka kuma bo kami in diádon nosumba kon i Allah, táe nosambayangdon kon i ilah ibanea mako,

MAZMUR 58:6

inta diá mokodongog kon singog in pawang inta mopandoi, andeka singog in mososingog kon totaau inta motoḻindat.

MAZMUR 9:9

Sia in nomarenta kon bangusa mita takin moadil bo nonisig kon i monia takin motuḻid.

MAZMUR 96:10

Potaa-taaudon mako kon bangusa mita, “Ki Tuhan tua in Datu! Butá morigon diábí kodandúan; Sia in mohakimbí kon bangusa mita takin moadil.”

MAZMUR 96:13

Sin ki Tuhan in mamangoi momarenta kon butá, Sia in mohakimbí kon bangusa mita takin moadil bo mojujur.

MAZMUR 98:9

Sin Sia in mamangoi sin mohakim kon dunia; bangusa mita in hakimon-Neabí podoyon kon inta moadil bo mobanar.

YEREMIA 11:20

Bo akuoi in nosambayang, “O Tuhan Inta Totok in mokawasa, Iko in hakim inta moadil; Ikobí in nonungkuḷ kon raian bo gina in intau. Pelekaraku tanaa in posingayowon-Ku kon ini-Mu. Igumon mako koontonganku in Iko motuḻí kon aid in intau mita tatua.”

YEREMIA 17:10

Akuoi, ki Tuhan monaridi kon gina, bonu in dodob in intau ujion-Ku kon batúan in intau tuḻían-Ku podudui in dodianea, bo aidan-Ku podudui in oaidnea.”

YEREMIA 20:12

Táe, o Tuhan Inta Totok in mokawasa, takin aid moadil sinungkuḷan-Mu in intau; Kinotaauan-Mu in gina bo raian monia. Tuamai in ogoipa in akuoi moindoi kon ini-Mu motuḻí kon aid moraat in musung sin pelekaraku tanaa in poposarakankubí kon ini-Mu.

DANIEL 11:45

Noidapotbí in sia moposindog in ḷoḷaigan in dodatuannea kon sigad in dagat bo buḷud tampat in Baḷoi Tuhan. Táe onda intua matoi in sia bo diábí tobatúmai in intau in motuḷung kon inia.”

OUMAN IN RASUL MITA 12:23

Bo kon dodaipa doman intua sinokap in malaekat i Allah in sia sin totokdon mopoompámai kon i Allah. Pangabisannea minatoi in sia bo kinaan in oḷuasi mita.

SURAT I PAULUS KON JAMAAT RUM 16:25

Dinayo-dayowdon in ki Allah! Sia in mongawasa moginrigon kon pirisaya monimu podudui in Habar Mopia nongkon i Allah inta pinotaauku soaḷ ki Yesus Kristus. Habar inta pinotaauku tua in notongkai in onu inta pinoontong i Allah kon inakó; tuata in soaḷ tomayá i Allah inta noonggotdon totok in kinotaauan intau.

TESALONIKA 1 3:13

Aka natua yo irigonan i Tuhan in gina monimu, sahingga in modaritdon totok in kobobiag monimu bo diá bidon in inta diá mopia in aidan monimu kon tayowon i Allah, ki Amá naton, kon wakutu in ki Tuhan naton ki Yesus mamangoi bui moyotakin in bayongan intau inta ain nobaḻí umat-Nea.

PETRUS 1 5:10

Táe naonda in moiko nokorasa kon roriga motoyong, yo ki Allah tontaní in moposompurna kon i monimu. Potorindogon-Nea bo iropotan in moiko. Sin Sia in Allahbí inta totok mopia in gina, inta ain nogoiní kon i monimu sinbá moitakin doman mokorasa kon kopia-Nea inta mononoi pongin i Kristus.

YUDAS 1:1

Utatku mita inta ain inoiní bo inta totok in kinotabi i Allah Amá naton, bo inta iḷukadan kon bonu in tangoi i Yesus Kristus. Saḷaku intau inta nogaid kon oaidan i Yesus Kristus, akuoi – ki Yudas – ki utat i Yakobus,

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

SAMUEL 1 16:7

Táe ki Tuhan noguman kon i Samuel, “Dikabí in iko koakaḷan in pogotnea inta moḷunat bo awaknea inta moḷantud; deemanbí sia in kinoibog-Ku. Deemanbí ná poyoyindoi in intau in poyoyindoi-Ku. Intau in moindoi kon batangannea, táe akuoi in moindoibí kon ginanea.”

SAMUEL 1 2:9

Intau inta mosatia in umuran moaman kon bonu in kawasa i Tuhan. Táe intau inta moraat in morimumud matoi kon bonu in sindip bo kintui totok. Ropot tontaní diá motaau in pongata, ropot in intau diá mokoogoi kon kauntungan.