MAZMUR 69:6 - Alkitab Singog In Mongondow Masa In Tanaa

⁶ O Allah, kinotaauan-Mu in taḷáku mita dosaku in diábí noibuni kon ini-Mu.

MAZMUR 69:6 Iomraidhean Croise

SAMUEL 2 23:3

Ki Allah i Yakub ain nosingog; kon inakó moḷoḷukad in Israel in noguman: “Datu inta nomarenta kon rayat takin moadil inta nonongganut takin toindudui kon i Tuhan,

MAZMUR 25:3

Intau inta nonoḻikud kon ini-Mu in pokopooyáanbímai, táe inta mopirisaya kon ini-Mu in diábí pokudaion.

MAZMUR 35:26

Biódon mako in intau inta mosanang in gina in nokoontong kon rorigaku in motoboḻingodon bo mooyádon. Biódon mako in intau inta ḷumoḷatú kon inakó in singkuḻeon bo pokopooyáanmai.

MAZMUR 7:7

Sindogdon kon bonu in torú-Mu, o Tuhan, tubagaidon in torú in musungku mita. Sindogdon bo tuḷungai in akuoi, sin iko in motayak kon inta moadil.

MAZMUR 72:18

Dinayo-dayowdon in ki Tuhan, Allah in Israel! Tongábí Sia in mogaid kon inta mokoherang mita.

YESAYA 49:23

Datu mita in naondadon bo ki amámu, bo bokí mita in nobaḻí ki inámu. Mosia in tumungkudbí mohoromat kon inimu bo tumonsiup kon inimu. Dá kotaauanmudon kon Akuoi in ki Tuhan; intau inta inumandoḷ kon i-Nakó in diábí pokuyangon in gina.”

OUMAN IN RASUL MITA 13:17

Ki Allahbí in intau Israel inta nomiḻí kon mogoguyang naton bo inta nobogoi in buí mobayong kon i naton sahingga in nobaḻí bangusa inta moḷoben wakutu in nogutunpa kon Mesir in mosia saḷaku mokokiangoi. Onda intua takin kawasa moḷoben ki Allah nopoḷuai kon i monia nongkon butá in Mesir tatua.

OUMAN IN RASUL MITA 13:23

Nongkon buí i Daud tuata, podudui in dandi-Nea, Sia in moposadia in tobatú Datu Mopoposaḷamat kon bayongan in intau Israel, dá Sia tuata in ki Yesus.

OUMAN IN RASUL MITA 4:7

Ki Petrus bo ki Yohanes in dinia kon tayowon sidang tatua bo mulai pinoḻibo-ḻibóan kon rupa-rupa, kai monia, “Naonda in pinongongundam monimu kon intau inta ḻempeng tatua? Ropot bo kawasa i ine in pinogaid monimu kon tua?”