MAZMUR 69:2 - Alkitab Singog In Mongondow Masa In Tanaa

² Posaḷamatpa in akuoi, o Allah, sin tubig in noidapotdon in sigogowku.

MAZMUR 69:2 Iomraidhean Croise

AYUB 22:11

Singgai in modugangdon mosindip, diádon in iko mokoontong; noḷomot in iko in inuntag in dunuk inta motoyang.

MAZMUR 32:6

Tuamai in pomuḷoi in intau inta motoḷutui musti mosambayang kon tungkuḷ in koumaan in roriga, dá aka ḷunud in susa moiangoi, sia in diábí kodangatannea.

MAZMUR 40:2

Nosabarbí in akuoi in nogoḷat mako kon totuḷung i Tuhan; bo sinaridian-Nea in akuoi bo nokidongog kon kuaniku.

YEREMIA 38:22

Kon bonu in oontongon tatua akuoi in nokoontong kon bayongan in bobay inta kon komaḻigpa in Yohuda pinoḷuai dinia kon pojabat mita in Babel. Kobaya-bayá mosingog in mosia, ‘Ki datu in pinomiadon ibo-ibog in yobayatnea mita inta modagin, bo kinawasa monia. Tanaa, naonda in sioḷnea noiḷosok kon bonu in yoná, inumundok komintan in mosia.’ ”

YEREMIA 38:6

Bo ginamá monia in akuoi bo sinuntun monag monia in akuoi kon bonu in parigí i Malkia ki adí ḷoḷaki i datu, inta noiukat kon palas in komaḻig. Diábí in tubig kon bonu in parigí tatua, tongá yoná, bo akuoi in noibonu kon yoná tatua.

YUNUS 2:6

Akuoi in iḷumanduk noidapot kon apad in tombuḷud, kon dunia inta bonawangnea kinunsían modapot in singgai tumi. Dimukudku in moḷopídon totok kon bonu in awakku, bo kinotoropankudon bo nokuani kon ini-Mu. Dá noiyaputdon in sambayangku kon ini-Mu, kon bonu in Baḷoi-Mu inta mokudus. Bo pinopoponik-Mudon in akuoi nongkon bonu in dagat, o Tuhan Allahku!

MATIUS 7:25

Naonda in nonguyan, inuntag in ḷunud bo tompot in baḷoi tatua, táe baḷoi tatua diábí nongonumai sin ain pinoposindog kon tudu in batu.