MAZMUR 67:4 - Alkitab Singog In Mongondow Masa In Tanaa

⁴ Igumon mako bangusa mita in modayow kon ini-Mu, o Allah, igumon mako bayongan in bangusa mopoyaput in sukur kon ini-Mu.

MAZMUR 67:4 Iomraidhean Croise

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

MAZMUR 2:8

Igumdon, dá bayongan in bangusa ogoi-Kubí kon inimu, bo sinangkub in dunia baḻíon-Kudon kapunyaanmu.

MAZMUR 82:6

Akuoi in noguman kon moiko in ilahi moiko takin ki adímu mita in ki adí mita i Allah Inta Totok in moḷantud.

MAZMUR 9:8

Ki Tuhan in momarenta modapot in mononoi; Sia in noposindog in tampat pomomarentaan-Nea sin monisig kon dunia.

MAZMUR 96:10

Potaa-taaudon mako kon bangusa mita, “Ki Tuhan tua in Datu! Butá morigon diábí kodandúan; Sia in mohakimbí kon bangusa mita takin moadil.”

MAZMUR 98:9

Sin Sia in mamangoi sin mohakim kon dunia; bangusa mita in hakimon-Neabí podoyon kon inta moadil bo mobanar.

YESAYA 54:1

Yerusalem, dungkuḷmai iko in naonda bo bobay bantó inta diá monononggadí. Táe tanaa in porogiowdon, bo podondongdon takin ḷunganga in gina! Sin ki adímu mita in nobayong totok, noiḻiu kon adí bobay inta diá sinaḷáan in buḷoi.

YESAYA 55:4

Totuubí, sia in baḻíon-Ku itoi bo umpung pongayow, sakusi in kawasa-Ku kon bangusa mita.

YESAYA 60:6

Butámu in posipunandon in unta mobayong, mosia in mamangoi nongkon Midian bo Epa. Nongkon Syeba intau modia kon buḷawan bo kamania, sindaḷan modayow kon aid i Tuhan.

OUMAN IN RASUL MITA 17:31

Sin ain bidon sinantú-Nea in wakutu pongadilan kon bayongan intau kon dunia naa. Oaidan tatua aidan in tobatú intau inta ain piniḻí i Allah tontaní. Bo bá totu-totuu mopirisaya in bayongan intau kon soaḷ tatua, dá biniag bui i Allah in Sia nongkon kinopatoian-Nea!”

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

GALATIA 4:27

Sin kon Buk Motusi in pinaisdon nanaa, “Koḷungangadon in ginamu bobay bantó, inta diá kon dodai in onda in nononggadí! Kosanangdon bo kopia-piadon in ginamu uḻe iko inta diá kon dodai in onda nokorasa kon roriga in monononggadí! Sin bobay inta sinaḷáan i buḷoinea in mokouḻíbí kon mobayo-bayong in adí nongkon bobay inta nobiag takin i buḷoinea.”

ULANGAN 32:43

Ei bangusa mita, dayowdon in umat i Tuhan, sin ki Tuhan in mohukumbí kon bayongan inta noḻimod kon i monia. Sia in motuḻíbí kon musung-Nea táe mongampung kon dosa in umat-Nea.”