MAZMUR 67:3 - Alkitab Singog In Mongondow Masa In Tanaa

³ O Allah, igumon mako ibog-Mu kotaauan in sinangkub in dunia, bo kasaḷamatan-Mu in poniata kon sigad in bayongan in bangusa.

MAZMUR 67:3 Iomraidhean Croise

MAZMUR 119:175

Biódon mako akuoi in mobiag, sinbá akuoi in modayow kon ini-Mu, igumon mako atorang-Mu mita motuḷung kon inakó.

MAZMUR 142:7

Indongogaipa kaasí in kuaniku, sin totok in mororiga in akuoi. Posaḷamatpa kaasí in akuoi nongkon musungku mita, sin mosia in moropo-ropot in akuoi.

MAZMUR 45:17

Iko, datuku, in mokouḻíbí kon mobayong in adí ḷoḷaki sin ḻimitú kon pomomarentaan in mogoguyangmu. Mosia in baḻíonmubí mongogawasa kon sinangkub in dunia.

MAZMUR 67:5

Igumon mako bayongan in bangusa morogiow pia in gina, bo modondong takin ḷunganga in gina. Sin moadil in pomomarenta-Mu bo mokapit kon bayongan in bangusa kon dunia.

MAZMUR 74:21

Dikadon kaasí pomayá mako in intau dinorot pokopooyáanmai, igumon mako intau mororiga bo nobogá in modayow kon ini-Mu.

YESAYA 49:6

Ki Tuhan in noguman kon inakó, “Oaidan inta moḷobe-ḷoben in mogoḷat mako kon inimu, ei mogogundoi-Ku; iko in diábí tongá mopobui in ki agat in buí i Yakub bo mopoguḻit kon koḷoḷoben in suku mita in Israel, táe baḻíon-Ku doman bayag in bangusa mita, sinbá sinangkub in dunia posaḷamaton.”

MIKHA 5:3

Aka pongawasa tatua mamangoi, Sia in momarentabí kon umat-Nea podoyon kon ropot bo kawasa nongkon i Tuhan Allahnea tontaní. Umat-Nea in mobiagbí moodom, popisí in bayongan in intau kon dunia naa in mongakubí kon kawasa-Nea,