MAZMUR 64:8 - Alkitab Singog In Mongondow Masa In Tanaa

⁸ Táe ki Allah in nopopiotbí in piot-Nea kon i monia, bo indoianmai notompaḻí in mosia.

MAZMUR 64:8 Iomraidhean Croise

AYUB 15:6

Diá bidon paraḷu in iko poponapudanku bo potaḷáan, sin pinongin tosingogonmu tontaní iko in pinongadu.

MAZMUR 140:9

Dikabí duduian in ibog in intau moraat, o Tuhan, dikabí pomayá mako in tomayá monia tua motuoi.

MAZMUR 144:6

Pogambatdon in kilat-Mu sinbá musung in ponangketon, popopiotdon in piot-Mu sinbá mosia modoḻiok.

MAZMUR 22:7

Táe akuoi naa in oḷuasi, deemanbí intau, irebeg bo siningkuḻe in intau mobayong.

MAZMUR 31:11

Kobiaganku modait kon bonu in roriga, taongku mita moitaḻib kon bonu in amui mita. Ropotku in mogaat popisí in aidku moraat, nodapot in tuḷanku mita moripú.

MAZMUR 52:6

Pinongin tosingogonmu mita iko mongakaḷ bo mopoyaat in gina in intau.

MAZMUR 59:12

Dikabí moḻimod kon i monia, o Tuhan, sinbá bangusaku diá mokoḻiong. Poraritdon bo upetdon in mosia podoyon kon kawasa-Mu, o Tuhan mogogoḻingoi nami.

MAZMUR 9:3

Moibog in akuoi mopoḷunganga bo moposanang in gina popisí in Iko bo modayow kon tangoi-Mu, Tuhan Inta Totok in moḷantud.

AMSAL 12:13

Intau moraat in koakaḷan in tosingogon mita moraat inta siningognea; intau mopia kotaḻiban in roriga.

AMSAL 18:7

Tosingogon in intau bodok mokorimumud kon inia tontaní; sia in moibaaḷ kon singognea tontaní.

YEREMIA 18:16

Butá tanaa in binaḻídon monia tampat inta mokokoningkim, bo modapot in mononoi in singkuḻeon. Bayongan intau inta moitaḻib in momombiḻing sin mokoningkim.

YEREMIA 48:27

Sin intau in Israel koḻipod in kinosingan in Moab bo inouman magí mako naonda bo mosia in kinotambakandon noyotakin in mononakow mita?

NAHUM 3:7

Inta mokoontong kon inimu in yumayú bo moguman, ‘Niniwe in dongkadon apug diá in mangaḻenea! Ki ine in dumudui kon inia monogumatoi? Diábí in moibog mopoḻipoi kon inia.’ ”

PINOGIAPAN 16:34

Bayongan intau in Israel inta kon tua nokodongog kon karak monia. Bo intau mita in Israel noḷagui, sindaḷan nomaḷú, “Poḷagui! Ḻiomon in butá in kita!”

MATIUS 21:41

Mosia in notubag kon i-Nia, “Toko putúannea in intau mita moraat tatua, bain tua bo gobá in anggurnea tatua potomoyóneadon bui kon mototomoyó ibanea, inta moibog mopoyosilai in bungainea aka wakutuneadon.”

LUKAS 19:22

Dá datu tatua in noguman kon bobantungnea tatua, ‘Ei bobantung inta moraat! Poduduidon in singogmu mita tatua dá hukumonku in iko. Kinotaa-taaumubí mako kon akuoi naa intaubí inta totok motogat bo inta moibog mogamá kon onu inta deeman kapunyaanku bo inta moibog doman mokoyut kon inta deeman pinomuḷaku.

WAHYU 18:10

Mosia in simindogbí mokopoyayú sin moondok in koantugan in roriga tatua. Mosia in moguman, “Ado, totokdon in mobodito in kotá moḷoben tanaa – kotá in Babel inta moropot! Tongá kon bonu in tojam pinopoaidan in hukuman kon inimu!”

WAHYU 18:4

Bo akuoi in nokodongog kon singog ibanea nongkon soroga noguman nanaa, “Ḷuaidon, umat-Ku! Ḷuaidon nongkon bonunea! Sinbá moiko in diádon dumudui mogaid kon dosanea mita, bo moitakin motanggung kon hukumannea!