MAZMUR 6:8 - Alkitab Singog In Mongondow Masa In Tanaa

⁸ Mataku in moyambotdon popisí in ajar in gina, bo modingungui popisí in musungku mita.

MAZMUR 6:8 Iomraidhean Croise

AYUB 17:7

Mataku in mobuḷoḷow sin mororiga in ginaku; bayongan in awakku rumutuk in momikir.

MAZMUR 116:8

Ki Tuhan in nopoḷuatdon kon inakó nongkon popatoi; iḻipoi-Nea in akuoi bo diá pinomayá-Nea mako in noḷabú.

MAZMUR 119:115

Ei intau moraat, pokoyayúdon kon inakó! Akuoi in moibogbí tumoḷutui kon parenta i Allahku.

MAZMUR 139:19

Igumon mako intau moraat yompaton-Mu, o Allah, poyayúdon in moḷoḻimod nongkon inakó!

MAZMUR 145:18

Sia in modagin kon intau inta mokuani kon i-Nia, bo inta totu-totuu mopoigum kon i-Nia.

MAZMUR 3:4

Táe Iko, o Tuhan, in kaḻeaw inta mogoḻingoi kon inakó. Pinopountung-Mu in akuoi, bo iniyotonan-Mu in ginaku.

MAZMUR 31:10

Kotabipa kaasí in akuoi, o Tuhan, sin akuoi in kinoantugan in susa; mopomporí in mataku sin mongombaḷ, dimukud bo awakku in mororigadon totok.

MAZMUR 56:8

Oyúon degá in kasaḷamatan kon aid moraat monia? Yopúdon in mosia kon bonu in torú-Mu, o Allah!

YESAYA 30:19

Ei moiko inta nogutun kon Yerusalem, moiko in diábí tantú mongombaḷ. Ki Tuhan in monotabibí, bo ḷagidon motubag kon i monimu aka moiko mokuani mokituḷung kon i-Nia.

YESAYA 38:3

“Tuhan, toropdon kon akuoi in nogundoidon kon ini-Mu takin motoindudui bo motuḻid in gina. Akuoi in umuran moḷongasi dumudui kon ibog-Mu.” Bo ki Hizkia in nongombaḷ totok.

YESAYA 38:5

mayá bui kon i Hizkia bo mopotaau in koyow tanaa, “Akuoi, ki Tuhan, Allah inta sinumba i Daud mogoguyangmu, nokodongogdon kon sambayangmu bo nokoontongdon kon ḷuámu. Dugangan-Kudon in umurmu mopuḷúpa bo ḻima notaong.

OMBAḶ 3:56

Totok in poigumonku kaasí dikapa momompon kon bongoḷan-Mu kon onu inta poigumonku sinbá Iko in motuḷung kon inakó. Dá sambayangku in inindongogan-Mudon, bo Iko in namangoi dinimiug; iko in noguman, ‘Dika moondok.’

MATIUS 25:41

Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

MATIUS 7:23

Kon dodai intua, Akuoi in moguman taran-tarangan kon i monia, ‘Diábí kinotaauan-Ku in moiko! Bayádon pokoyayú kon i-Nakó, sin moiko komintan in intau inta nogaid kon inta moraat!’ ”

LUKAS 13:27

Bo Sia in bui motubag kon i monimu, ‘Diábí kinotaauan-Ku mongo nongkon onda in moiko. Bayádon nongkon naa, moiko intau mita inta nogaid kon mongoraat!’

IBRANI 5:7

Kon wakutu in ki Yesus nobiagpa kon dunia naa, Sia in nosambayang bo nopoigum takin koamu-amui bo koomba-ombaḷ kon i Allah inta mokosanggup moposaḷamat kon i-Nia nongkon roriga in popatoi. Bo lantaran Sia umuran dinumudui kon onu in kinoibog i Allah, dá inindongogan i Allah in pinoigum-Nea tua.