MAZMUR 51:4 - Alkitab Singog In Mongondow Masa In Tanaa

⁴ Bataaidon in bayongan in aidku moraat; daritaidon in akuoi nongkon dosaku.

MAZMUR 51:4 Iomraidhean Croise

KINOBAḺIAN 20:6

Dá ki Allah in notubag kon bonu in togoindop tatua, “Totuu, kinotaauan-Kubí kon soaḷ tatua in inaidanmubí takin gina modarit. Tuamai Akuoi in nogimaḷowdon kon inimu bá diá momia kon dosa kon i-Nakó, bo diábí pomayá-Ku mako iko in moḻiai kon bobay tatua.

KINOBAḺIAN 38:7

Gogutú i Er moraat totok, dá ki Tuhan sinumorú bo nomatoi kon inia.

KINOBAḺIAN 39:9

Kon naa kawasaku notongkai in kawasanea. Diábí in tobatúmai diá pinopopirisayanea kon inakó koḻikudbí in ki Nyora. Yo naondabí in akuoi momia kon inta moraat natua bo mogaid kon dosa kon i Allah?”

KINOBAḺIAN 9:6

Intau in pinomia ná batangan-Ku; tuamai, ki ine in moḻimod kon intau, yo sia tua in ḻimodon doman in intau.

DATU MITA 2 17:17

Noposumba in mosia kon i adí monia nobaḻí kuruban payongon kon i dewa. Mosia in momaké in totaau bo mopoigum in topotundú nongkon mogogoiní kon dimukud mita. Totok in motoindudui in mosia in mogaid kon bayongan inta diá mokosanang kon gina i Tuhan

DATU MITA 2 21:6

Ki Adínea in pinosumbanea nobaḻí kuruban payongon. Ki Manasye in nomaké doman in mongonggaing, bo mododoyangow, ponggaing, bo mopoigum in totundú kon dimukud mita. Binaradosadon totok in sia kon i Tuhan noidapot in nokopomukádon kon torú-Nea.

MAZMUR 50:4

Sia in mogoiní kon ḷangit bo butá sin moindoi kon ponisigan-Nea kon umat-Nea.

MAZMUR 50:6

Ḷangit in mopotaau kon ki Allah in monisig kon umat-Nea, bo Siabí tontaní in hakimnea.

YESAYA 43:25

Táe Akuoi in ki Allah inta nomopat kon dosamu, Inampungan-Ku in iko sin natuabí in sipat-Ku; Akuoi in diá bidon tantú monorop kon dosamu mita.

IMAMAT 5:19

Tuata in kuruban toḻiu in karugian potobut kon taḷá inta ain inaidannea kon i Tuhan.

LUKAS 15:21

Táe ki adínea tatua in noguman: ‘Papa, akuoi naa aindon nomia kon taḷá kon i Tuhan bo kon i papa, tuamai akuoi diá bidon patus tangoion ki adí i papa.’

LUKAS 7:29

Komintan intau inta kon tua nokodongog kon onu inta siningog i Yesus tatua, intau doman inta mononagi kon pajak; mosia tua inta ain dinumudui kon onu in pinarenta i Allah bo inta ain binaptis i Yohanes.

OUMAN IN RASUL MITA 17:31

Sin ain bidon sinantú-Nea in wakutu pongadilan kon bayongan intau kon dunia naa. Oaidan tatua aidan in tobatú intau inta ain piniḻí i Allah tontaní. Bo bá totu-totuu mopirisaya in bayongan intau kon soaḷ tatua, dá biniag bui i Allah in Sia nongkon kinopatoian-Nea!”

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

SURAT I PAULUS KON JAMAAT RUM 3:4

Tantú diábí natua! Sin notarang bidon kon ki Allah in tantúbí mobanar, umpakabí bayongan intau monguboḷ. Kon bonu in Buk motusi ain pinais nanaa, “Musti moiniata kon inimu kon totuu in onu inta siningogmu, bo iko in mountung kon dodai in iko hakimon.”

YAKOBUS 2:11

Sin ki inta noguman, “Dika monuaḻing,” siadon doman tua inta noguman “Dika moḻimod.” Dá aka moiko diá nonuaḻing, táe noḻimod, dá moiko in moḷoḷawangbí doman kon hukum.

YAKOBUS 2:9

Táe aka moiko bo mopoyo-poyoposi in intau podudui in kaadaan kobobiag in intau, yo nogaidon kon dosa in moiko, bo hukum i Allah in moponiatadon kon moiko nion in moḷoḷawang kon hukum.

WAHYU 16:5

Bo dinongogku in malaekat inta nongawasa kon tubig, noguman nanaa, “Hukuman inta pinoḷabú-Mu tua in moadil, oo Allah Inta Totok in Motusi, Allah inta oyúon bo inta aindon oyúon!

WAHYU 19:11

Noiduduimai kon tua inontongku in soroga nobukat, bo inontongku oyúon in tobatú kabaḷo nobudó. Ki inta sinumakoi kon kabaḷo tatua, tangoinea ki Mosatia bo ki Mobanar. Sia in moadilbí in monantú kon hukuman bo kon parang.