MAZMUR 5:6 - Alkitab Singog In Mongondow Masa In Tanaa

⁶ Doíbí in Iko in moindoi kon intau inta mokaḷakuang, kinodoí-Mubí in intau inta momia kon inta moraat.

MAZMUR 5:6 Iomraidhean Croise

KINOBAḺIAN 34:14

Guman monia kon i nayadua tua, “Kami mooyá in mobogoi kon i ai-ai nami motonibuḷoi takin intau inta diá sinoit.

SAMUEL 2 16:8

Iko ain nogagow kon dodatuan i Saul! Tanaa in iko in ihukumbí i Tuhan sin noḻimod kon nobayong totok in inanakan i Saul. Ki Tuhan ain nobogoi in dodatuanmu kon i Absalom ki adímu. Tanaa in kopatoidon in iko, ei moḷoḻimod!”

SAMUEL 2 20:1

Kon Gilgal oyúon in intau mononuyayow tangoinea in ki Seba. Ki adí i Bikri in sia, nongkon suku in Benyamin. Kon dodai in ki Daud bo intaunea mita namangoi, nogirup in ki Seba kon torompet bo nomaḷú, “Diábí in tondoḷ naton bo i Daud. Onubí in mangaḻenea dumudui in kita kon inia? Ei intau mita in Israel, koḻigai mobui in kita!”

MAZMUR 11:5

Ki Tuhan in nonungkuḷ kon intau mopia bo intau moraat, dinoí-Nea in intau inta moḻingá.

MAZMUR 4:2

O Allah, Ikobí in mododuḷuku; tubagaibí aka akuoi mokuani. Kon dodai in akuoi inumaan in susa; sinuḷungan-Mu in akuoi; dá tanaa kotabipa kaasí in akuoi bo indongogaipa in sambayangku.

MAZMUR 43:1

Ogoidon kon inakó in inta moadil, o Allah, duḷuaidon in hakku nongkon bangusa inta moraat. Poḷuatdon kaasí in akuoi nongkon intau moraat bo motombuḻitok.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

YESAYA 26:21

Ki Tuhan in moponagbí nongkon tampat-Nea kon soroga sin mohukum kon intau kon dunia sin dosa monia. Pinoḻimodan inta inaidan monia inumado-adop in poniatabí. Butá in diábí momumbun kon intau mita inta minatoi iḻimod.

SURAT I PAULUS KON JAMAAT RUM 1:29

Gina monia in nopuḻingdon yagi-yagi inta moraat, inta diá nobanar, moturá, aid mokotor, yoyaatan gina; ibog moḻimod, ibog moropatoi, ibog monguboḷ bo motagú kon gina bo moibo-ibog doman mongonguman kon soaḷ intau ibanea,

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

WAHYU 22:15

Táe intau mita inta nogaid kon soaḷ mita inta moromú, inta moibog monggaing, bo intau mita inta mogaid kon soaḷ mita inta mokotor, inta moḻimod, mosumba kon berhala, bo intau mita inta mouboḷ, pinomayá tosingogon ande oaid, komintan intau natua, kon ḷuai in kotá in tampatnea.