MAZMUR 49:6 - Alkitab Singog In Mongondow Masa In Tanaa

⁶ Akuoi in diábí moondok kon tungkuḷ in singgai diá mopia, tungkuḷ in akuoi kinopung in musung inta moraat.

MAZMUR 49:6 Iomraidhean Croise

ESTER 5:11

Bo ki Haman in nongonguman kon ambungangaḷ kon i monia bo nopoontong in kaoyúonannea, kobayong in adínea ḷoḷaki, ḷoḻitúan pomomarentaan inta inogoi i datu, bo pangkatnea inta moḷantu-ḷantud nongkon bayongan in pogawai ibanea.

MAZMUR 112:7

Sia in diábí moondok in motarima kon habar diá mopia, ginanea in morotonbí popisí in mopirisaya kon i Tuhan.

MAZMUR 112:8

Sia in diábí moḻia-ḻiaw in gina andeka moondok, sin noyakin kon musungnea in taḷowonbí.

MAZMUR 52:7

Táe iko in yompatonbí i Allah modapot in mononoi; iko in dinomok bo pogarab nongkon baḷoimu, bo inggamáandon nongkon dunia in intau nobiag.

MAZMUR 56:5

Akuoi in nodayow kon i Allah popisí in onu inta pinodandi-Nea; akuoi in mopirisaya kon i-Nia, dá diá moondok in akuoi, diábí mokopongonu in intau kon inakó.

MAZMUR 56:7

Mosia in moyosipun kon tampat noiadop, motarap mako kon bayongan inta aidanku, bo motayak kon kasampatan moḻimod kon inakó.

MAZMUR 62:10

Intau in tongábí gabut in poginaan, moḷoben mointok tumpaḷa diá koboḻi. Aka simbangon, noniata magí nogaanbí in mosia, mogaa-gaanbí kon tompot poginaan.

AMSAL 10:15

Kaoyúonan moḷukad kon inia inta nooyúon, malarat morimumud kon inta nobogá.

AMSAL 11:28

Ki ine in mopongata in kaoyúonan in mototakbí naonda bo dáun noingkag; intau inta mobanar in modugangbí mobayong naonda bo tokat moguod

AMSAL 23:5

Sin, tongábí tokokiap monag in kapunyaanmu bo modait, naonda bo oyúon in koḻikipnea bo ḷumayug kon toḷungayá naonda bo ḷagapan boniá.

YEREMIA 9:23

Ki Tuhan in noguman, “Intau mobijaksana in diábí motaau in moyunggagá popisí in kobobijaksananea, intau moropot popisí in ropotnea, bo intau nooyúon popisí in kaoyúonannea.

HOSEA 12:8

Ki Tuhan in noguman kon bangusa in Israel, “Moiko in motombogá naonda bo intau in Kanaan; mododagangmu mita moibog monguboḷ kon mototaḷuinea pongin simbangan inta diá moitutui.

MARKUS 10:24

Noherang totok in murí-Nea mita in nokodongog kon singog i Yesus tatua. Táe ki Yesus noguman doman kon i monia, “Adí-Ku mita, totuubí kon moyoyigabí in mobaḻí anggota umat i Allah!

LUKAS 12:19

Onda intua pogumanku kon awakku tontaní; Nomujur totok in iko! Bayongan inta mopira komintan oyúon kon inimu bo kon taongannea intua mita diápabí modai-dait. Tuamai in pogogaidon in tanaa! Pongaan bo ponginumdon pakédon in kobiaganmu nion!’

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.