MAZMUR 49:2 - Alkitab Singog In Mongondow Masa In Tanaa

² Indongogaidon, ei bayongan in bangusa, taandon mako in bongoḷan, ei intau mita in dunia,

MAZMUR 49:2 Iomraidhean Croise

AYUB 34:19

Sia in doíbí dumotá kon datu mita, andeka mopouna in intau nooyúon nongkon intau nobogá. Sin mosia komintan in Siabí in nomaḻí.

MAZMUR 62:9

Ei bangusaku, pongamangdon kon i Allah pomuḷoi mako; potaaudon kon i-Nia onu in kon bonu in ginamu, sin Siabí in tampat naton poniungan.

AMSAL 22:2

Intau nooyúon bo intau nobogá oyúon in notongkai kon monia: Ki Tuhanbí in nomaḻí kon i monia komintan.

YESAYA 34:1

Igaidon moyosipun, ei bangusa mita, bo indongogaidon. Pomayádon mako in sinangkub in dunia bo bayongan inta nobiag kon bonunea mamangoi bo mokidongog.

MIKHA 1:2

Indongogaidon, ei bangusa mita! Taridiaidon, ei intau mita kon sinangkub in dunia! Ki Tuhan Inta Totok in moḷantud mamangoi saḷaku sakusi moḷawang kon i monimu komintan! Indongogai in Sia mosingog nongkon Baḷoi-Nea inta motusi kon soroga.