MAZMUR 48:3 - Alkitab Singog In Mongondow Masa In Tanaa

³ Sion, tombuḷud i Allah nosindog notompia kotá i Datu Moḷantud mokopia kon gina in sinangkub in butá.

MAZMUR 48:3 Iomraidhean Croise

SAMUEL 2 5:7

Ki Daud in noguman kon intaunea, “Oyúon degá in kon naa in intau inta mobú kon intau in Yebus ná doman akuoi mobú kon i monia? Mobúdon totok degá in sia modapot in sia moibogdon totok moḻimod kon i monia? Aka natua, tuotdon mongin daḷan in tubig bo tubudon in intau mita inta nosedó bo nobilog inta kinobúmu tua.” (Tuamai intau nosingog, “Intau bilog bo intau nosedó diábí motaau in tumuot kon Baḷoi i Tuhan.”) Ki Daud nokoḷongasi nogagow kon poḷoḷukadan in Sion bo iḻitúannea. Sinangoiannea “Kotá i Daud.” Kotá tatua pinosindognea kon ḻibu in poḷoḷukadan tatua, pinangkoi nongkon dotá in pomukaan kon buḷud inta sinuod pinomonturungan kon butá.

TAWARIKH 2 12:7

Naonda in inontong i Tuhan kon mosia in sinumonsiupdon, noguman bui in Sia kon i Semaya, kai-Nia, “Popisí in mosia ain nongaku kon dosa monia, dá diá bidon yopúon-Ku in mosia. Taḻiban-Kudon in mosia; Yerusalem in diábí morimumud. Umpaka natua, ki Sisak

MAZMUR 125:1

Dondong mayá in Baḷoi Tuhan. Intau inta mopirisaya kon i Tuhan, in naonda bo Tombuḷud in Sion inta moroton diábí kotundanan, bo motahang modapot in mononoi.

MAZMUR 135:21

Dayowdon in ki Tuhan kon Sion, kon Yerusalem tampat pinogutunan-Nea. Dayowdon in ki Tuhan!

MAZMUR 46:7

Ki Allah in nonggotup, dá dunia in norimumudon totok; bangusa mita in modoḻiok, dodatuan mita noobat.

MAZMUR 50:2

Nongkon Sion, kotá inta totok in mogaga, Ki Allah in noitukat takin nonindar.

DONDONG MOḶANTUD 6:4

Moḷunat in iko, batoḷ in dodobku, ná koḷunat kotá in Yerusalem, ná kogaga in kotá in Tirzah. Iko in totokbí in mokoangá naonda bo tontara mita kodia-dia in banderanea.

OMBAḶ 2:15

Bayongan in intau inta moitaḻib, morebeg kon inimu, sin norimumudon komintan in iko. Momombiḻing in mosia bo poḷat moguman, “Tuata degá in kotá inta totok in mogaga, kotá inta inyunggagá in dunia?”