MAZMUR 48:13 - Alkitab Singog In Mongondow Masa In Tanaa

¹³ Ḻibudon in Sion, ḻibudon in sia, bo iyapdon in ḷangkeangnea.

MAZMUR 48:13 Iomraidhean Croise

MAZMUR 122:7

Igumon mako oyúon in dodamean kon bonu in butámu, bo koodom kon bonu in bentengmu mita.”

MAZMUR 71:18

O Allah, dika taḷaan in akuoi, modapot in mogoguyang in akuoi bo ubanan, sinbá akuoi in mopotaau in kawasa bo kototoyang-Mu kon bayongan in buí inta moiduduimai.

YESAYA 33:20

Indoiaidon in kotá in Sion, tampat poramean naton kon singgai mita in agama. Indoiaidon in Yerusalem! Totuu moaman in tampat tatua pogutunan, naonda bo ḷoḷaigan inta diá kon dodai in onda in pinamping, patoknea in diá kon dodai in onda in irabut bo tontogotnea in diá kon dodai in onda in nobontow.

YESAYA 58:12

Kotá inta noonggotdon in nobaḻí rumbunnea in posindogonmudon bui kon tudu in orotan koyongan. Moiko in tangoiondon ‘Bangusa inta moposindogdon bui in dinding mita bo monompia kon baḷoi mita inta ain nogoguyaat.’ ”

YEHEZKIEL 21:25

Bo Akuoi in moguman kon i datu in Israel, ‘Ei datu inta moraat bo binaradosa! Pohukuman imbuitnea kon inimu in nodiugdon.

YOËL 1:3

Oumandon onu inta nobaḻí tatua kon i adímu mita; sinbá oumanon doman monia intua kon i adí mita monia in ouman tatua. Buí moiduduimai in musti mokidongog doman kon tua, bo mopotaau doman kon buí moiduduimai.

AMOS 9:11

Ki Tuhan in noguman, “Moiangoibí in wakutunea Akuoi monompia bui kon dodatuan i Daud. Tanaa dodatuan tatua in nobaḻídon naonda bo baḷoi inta noumpag. Táe dindingnea mita in tompiaan-Kubí bui bo posindogon-Ku bui dá mobaḻídon bui ná dungkuḷmai.

ULANGAN 11:19

Tundúdon kon i adímu mita. Oumandon kon bonu in baḷoi bo kon ḷuai in baḷoi, kon dodai in mogogai ande kon dodai in mogaid.