MAZMUR 48:10 - Alkitab Singog In Mongondow Masa In Tanaa

¹⁰ Kon bonu in Baḷoi-Mu kami in monano-nanob kon tabi-Mu, o Allah.

MAZMUR 48:10 Iomraidhean Croise

TAWARIKH 1 16:14

Ki Tuhan in Allah naton, kaputusan-Nea in popoaid kon sinangkub in dunia.

MAZMUR 11:7

Sin ki Tuhan in mopia bo moadil, Sia in motabi kon intau inta nogaid kon inta mopia; intau motuḻid in mokoontongbí bo monotaau kon i Tuhan.

MAZMUR 113:3

Nongkon pomukaan modapot in toyopan tangoi i Tuhan in mustibí dayowon.

MAZMUR 145:17

Ki Tuhan in moadil kon bayongan onu in oaidan-Nea bo nopuḻing in tabi kon bayongan in aid-Nea.

MAZMUR 45:7

Ki Allah in nobogoi in kawasa kon inimu momarenta, kawasa-Mu in modapotbí in mononoi; pinodoyon kon inta moadil iko in momarenta kon rayatmu.

MAZMUR 99:4

Kawasa in kon ini-Mu, datu inta motabi kon hukum; Iko in noposindogdon in inta mobanar; Iko in nopobayá in hukum bo kooadil kon Israel.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

MALEAKHI 1:14

Binaḷadon in ki inta motombuḻitok inta noposumba kon i-Nakó in biag inta diá mopia, bo inta munadon nopodandi in biag mopia kon sigad in biagnea mita sin posumba kon i-Nakó! Sin Akuoibí in ki Datu Inta Moḷantud, bo ihoromat in bayongan in bangusa.”

ULANGAN 28:58

Aka moiko diá mosatia in dumudui kon bayongan in hukum i Tuhan Allahmu inta pinais kon bonu in buk tanaa bo diá mohoromat kon i Tuhan Allahmu inta mokawasa bo inta mokoherang,

YOSUA 7:9

Intau in Kanaan bo bayongan intau ibanea kon butá tanaa in mokodongogdon kon tua. Ḻibutandon monia bo ḻimodon in kami komintan! Yo onu in pomiaan-Mu sinbá tangoi-Mu in umuran horomaton?”

WAHYU 19:11

Noiduduimai kon tua inontongku in soroga nobukat, bo inontongku oyúon in tobatú kabaḷo nobudó. Ki inta sinumakoi kon kabaḷo tatua, tangoinea ki Mosatia bo ki Mobanar. Sia in moadilbí in monantú kon hukuman bo kon parang.

WAHYU 19:2

Sin pohohakim-Nea in moadil bo mobijaksana! Sia ain nopoḷabú in hukuman kon sundaḷ moḷoben, inta nomoguyaat kon dunia naa takin aidnea inta mokotor. Ki Allah ain nohukum kon sundaḷ tatua, sin sia in noḻimod kon intau mita inta nogaid kon oaidan i Allah.”