MAZMUR 47:9 - Alkitab Singog In Mongondow Masa In Tanaa

⁹ Ki Allah in iḻimitú kon pomomarentaan-Nea inta motusi; Sia in nomarenta kon bangusa mita.

MAZMUR 47:9 Iomraidhean Croise

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

MAZMUR 46:10

Sia in nopogogai in parang kon sinangkub in dunia, piot bo pandong irimumud-Nea, kaḻeaw noḻimbung in sinubá-Nea.

MAZMUR 72:11

Bayongan in datu in dumokóbí kon tayowonnea, bayongan in bangusa mobaḻí atanea mita.

MAZMUR 89:18

Iko in nopountung kon inami nádomai tua, popisíbí in kopopia-Mu tua dá nountung in kami.

MAZMUR 97:9

Sin Iko, o Tuhan, mongongawasa in sinangkub in butá; Iko in moḷantud noiḻiu kon bayongan in dewa.

IḶUAIAN 3:15

Potaau domandon kon i monia kon Akuoi, Tuhan, ki Allah in mogoguyang monia, ki Allah i Abraham, i Ishak bo i Yakub, nopotabá kon inimu namangoi kon i monia. Akuoibí naa in ki Tuhan, tuata in tangoi-Ku mononoi. Tuata in ponangoi kon i-Nakó kon bayongan bangusa dapot in adí bo ompu.

IḶUAIAN 3:6

Akuoi naa ki Allah in mogoguyangmu, ki Allah i Abraham, i Ishak bo i Yakub.” Dá ki Musa in nogoḻingoi kon pogotnea, sin moondok in sia moindoi kon i Allah.

AMSAL 30:5

Ki Allah in nogintompodbí kon bayongan in dandi-Nea. Sia in naonda bo kaḻeaw kon bayongan in intau inta mamangoi moniung kon i-Nia.

YESAYA 11:10

Moiangoibí in wakutunea datu tobatú buí i Daud in tantú tontongan in bangusa mita. Mosia in mamangoibí kon inia, bo pogogutunannea in tango-tangoionbí.

YESAYA 49:23

Datu mita in naondadon bo ki amámu, bo bokí mita in nobaḻí ki inámu. Mosia in tumungkudbí mohoromat kon inimu bo tumonsiup kon inimu. Dá kotaauanmudon kon Akuoi in ki Tuhan; intau inta inumandoḷ kon i-Nakó in diábí pokuyangon in gina.”

YESAYA 49:7

Ki Allah mokudus Mopoposaḷamat in Israel in noguman kon intau inta totok in siningkuḻe, bo inta kinodoí in bangusa mita bo inta nobaḻí ata in pongawasa mita, “Datu mita in mokoontongbí kon onu in aidan-Ku; mosia in simindogbí mohoromat kon i-Nakó. Pongawasa mita in mokoontongbí doman kon tua, bo tumungkud mosumba.” Tua in mobaḻí popisí in ki Tuhan ain nomiḻí kon mogogundoi-Nea; Ki Allah mokudus in Israel in mosatia kon dandi-Nea.

MATIUS 22:32

‘Akuoi in ki Allah i Abraham, ki Allah i Ishak bo ki Allah i Yakub.’ Sia deemanbí ki Allah in intau minatoi, táe ki Allah in intau nobiag!”

SURAT I PAULUS KON JAMAAT RUM 11:25

Utat mita! Haraponku mako moiko in diá monganggap kon ain nonotaau kon bayongan in yagi-yagi. Sin oyúon in soaḷ inta kinoibog i Allah, táe diápa kinotaauan in intau. Bo ibogonku in kotaauan monimu intua; nanaa: tongobotak intau in Yahudi mokopotogat kon gina, táe cara monia tua in tongábí modapot in motompodon in kobayong in intau inta deeman Yahudi in mamangoi kon i Allah.

GALATIA 3:29

Bo aka moiko bo ain nobaḻí kapunyaan i Kristus, dá moiko in buíbí i Abraham, tuamai moiko in motarima kon onu inta pinodandi i Allah.