MAZMUR 47:2 - Alkitab Singog In Mongondow Masa In Tanaa

² Ponggoḷokapdon takin pia in gina, ei bayongan in bangusa! Dayowdon in ki Allah takin yogiow!

MAZMUR 47:2 Iomraidhean Croise

NEHEMIA 1:5

“Oo Tuhan Allah inta nongawasa kon soroga. Iko in Allah Inta Moḷoben bo kami in tumayow kon ini-Mu takin moondok totok. Iko in tantúbí mosatia bo nokadai kon dandi-Mu kon intau mita inta motabi kon ini-Mu bo motoindudui kon parenta-Mu.

MAZMUR 145:6

Mosia in mopotaa-taaubí mako in aid-Mu mita inta motoyang, koḷoḷoben-Mu in pobaḷúku.

MAZMUR 47:7

Podondongdon in dodayow kon i Allah, podondongdon in dodayow kon i Datu naton!

MAZMUR 65:5

Pia in kamang in intau inta piniḻí-Mu, bo inoiní-Mu mogutun kon Baḷoi-Mu. Kami in pooroponbí in bayongan inta mopia kon Baḷoi-Mu, pogogutunan-Mu inta motusi.

MAZMUR 68:35

Akudon in kawasa i Allah inta nomarenta kon Israel, kawasa-Nea in nodapot kon ḷangit.

MAZMUR 76:12

Intompodaidon in dandimu kon i Tuhan Allahmu. Bayongan bangusa inta nogutun kon diugmai in modia kon sosumba kon i Allah inta kinoondok.

MAZMUR 95:3

Sin ki Tuhan in ki Allah inta moḷantud, Datu inta motorindog inta nonigad kon bayongan in dewa.

MAZMUR 99:3

Biódon mako in mosia modayow kon tangoi-Nea inta moḷoben bo momulia. Mokudusbí in Sia!

MALEAKHI 1:14

Binaḷadon in ki inta motombuḻitok inta noposumba kon i-Nakó in biag inta diá mopia, bo inta munadon nopodandi in biag mopia kon sigad in biagnea mita sin posumba kon i-Nakó! Sin Akuoibí in ki Datu Inta Moḷantud, bo ihoromat in bayongan in bangusa.”

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

ULANGAN 28:58

Aka moiko diá mosatia in dumudui kon bayongan in hukum i Tuhan Allahmu inta pinais kon bonu in buk tanaa bo diá mohoromat kon i Tuhan Allahmu inta mokawasa bo inta mokoherang,

ULANGAN 7:21

Dá dikabí moondok kon bangusa mita tatua. Ki Tuhan Allahmu in moḷukadbí kon i monimu. Sia in ki Allahbí inta moḷoben bo motoyang.