MAZMUR 45:4 - Alkitab Singog In Mongondow Masa In Tanaa

⁴ Pogabitdon in kedangmu kon ogotan, ei datu inta motorindog, iko in totok in momulia bo motaingkat!

MAZMUR 45:4 Iomraidhean Croise

MAZMUR 2:9

Mosia in putoḷonmubí in tungkud uatoi bo ḷosionmu naonda bo kuyon butá.’ ”

MAZMUR 60:4

Iko in nodandú kon butá dá noḷau; tompiadon in inta nongobotak, popisí in butá nodandú.

MAZMUR 65:5

Pia in kamang in intau inta piniḻí-Mu, bo inoiní-Mu mogutun kon Baḷoi-Mu. Kami in pooroponbí in bayongan inta mopia kon Baḷoi-Mu, pogogutunan-Mu inta motusi.

YESAYA 11:5

Sia in mogaid pongin moadil bo motoindudui kon bayongan yagi-yagi.

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

MATIUS 11:29

Aidaidon onu inta pinoki aid-Ku kon inimu, bo duduidon kon oaid-Ku, mokopoompá kon dodia bo mokopoaḷus kon pososingog, dá iko in mokodungkuḷ kon kopiaan.

LUKAS 19:27

Bo tanaa mako in tokodiadon mangoi in intau mita inta mongosakí in gina kon i nakó bo inta doí aka akuoi in mobaḻí datu kon i monia. Ḻimod in mosia kon tayowonku!’ ”

YOHANES 1:17

Hukum i Tuhan sinarima naton nongkon i Musa. Táe tabi bo kososatia i Allah in pinoniatadon kon i Yesus Kristus.

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

KORINTUS 2 10:1

Akuoi ki Paulus, inta kain intau in diá mobarani moyogintayow mako, tongá mobarani aka moyogiyayúan monimu. Tanaa mako pinodoyon kon koaḷus bo kopopia in gina i Kristus,

TESALONIKA 1 1:5

Sin kami in nopoyaput in Habar Mopia kon i monimu deemanbí pinodoyon kon pandoi nami, táe pinodoyonbí kon kawasa in Roho i Allah inta umuran kotaki-takin nami. Bo totokbí iyakin nami kon totuubí in Habar Mopia tatua. Kinotaauan bidon monimu in kobobiag nami wakutu in kotaki-takinpa monimu. Kami in umuran noramuji in nogaid sin kopontingan monimu.

TESALONIKA 1 2:13

Oyúon in totok mokopia-pia kon gina nami, sahingga in kami tantú mosukur kon i Allah. Tuata wakutu in kami nopoyaput in Habar Mopia nongkon i Allah kon i monimu. Habar Mopia tatua in diábí tongá inanggap monimu habar nongkon intau, táe totu-totuubí Habar Mopia nongkon i Allah. Sin Roho-Neabí in pinopopaké-Nea kon inimu nogaid kon tua mita, intau inta mopirisaya kon i Yesus.

TESALONIKA 2 3:1

Naa doman in poigumonku kon i monimu Utat mita, tantú sambayangai in kami. Sinbá habar nongkon i Tuhan in umuran potaau magí-mako bo tarimaan domandon takin pia in gina ná pinototarima monimu koḻipod.

WAHYU 11:18

Intau mita inta diá nonotaau kon i Tuhan, sinumorúdon sin aindon wakutunea Iko mopoḷuai in torú-Mu, bo aindon doman wakutunea Iko monantú kon intau mita minatoi. Naadon doman i wakutunea mobogoi kon boḻi in pinogaidan in intau mita inta nogaid kon oaidan i Allah, bo in nabi mita, bo kon bayongan in umat, tuata in mosia inta noibada kon ini-Mu, adí ande itoi. Naadon i wakutunea morimumud kon intau mita inta nomoguyaat kon dunia naa!”

WAHYU 19:11

Noiduduimai kon tua inontongku in soroga nobukat, bo inontongku oyúon in tobatú kabaḷo nobudó. Ki inta sinumakoi kon kabaḷo tatua, tangoinea ki Mosatia bo ki Mobanar. Sia in moadilbí in monantú kon hukuman bo kon parang.

WAHYU 20:15

Intau mita inta tangoi monia diá pinais kon bonu in Buk Intau Nobiag, pogambat kon bonu in dagat tuḷu.

WAHYU 6:2

Dá akuoi in nokoontong kon tobatú kabaḷo nobudó. Intau inta sinumakoi kon kabaḷo tatua in nokadai kon piot, bo sia inogoian doman in tobatú mahkota. Sia minayá in muna saḷaku inta nountung inta minayá notayak kon bá mountung.