MAZMUR 45:2 - Alkitab Singog In Mongondow Masa In Tanaa

² Tosingogon mita mopia noiḷuai nongkon ginaku, posumbaku in dondongku kon i datu. Naonda bo pomomais in pujangga inta motoḻindat, diláku in nosadiadon mopoyaput in pantun.

MAZMUR 45:2 Iomraidhean Croise

MAZMUR 21:6

Popisí in totuḷung-Mu dá nobaḻí in sia totok in ihoromat, binaḻí-Mu in sia ponango-nangoian bo motarimbuka mako.

AMSAL 22:11

Intau inta moibog kon inta motuḻid bo inta mopia in pososingognea, in mobaḻíbí yobayat in datu.

AMSAL 5:2

sinbá kotaauanmu mongo naonda in pododiamu kon aidmu bo mosingog saḷaku intau inta kopongotahuan.

DONDONG MOḶANTUD 2:3

Naonda bo pangkoi in apel kon yua-yuak in pangkoi in kayu kon kayuon, natuata in batoḷ in dodobku kon sigad in ḷoḷaki mita. Mopiabí in ginaku kon siungonnea, bungainea mita noromimit in nanamnea.

YESAYA 33:17

Moiangoi in wakutunea moiko in mokoontong kon datu tobatú inta momarenta takin kamuliaan kon sinangkub in butá kon bayongan in tampat.

YESAYA 50:4

Ki Tuhan Inta Totok in moḷantud in notundú kon inakó nosingog, sinbá tosingogonku in mokoropot kon intau inta noḷungkoyó. Pomuḷoi in doḷo-doḷom pomuká-Nea in ibog in ginaku sin mokidongog kon totundú-Nea kon inakó.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

ZAKHARIA 9:17

Totuu mopia in butá i Tuhan kon singgai moiduduimai, totuu mopia bo moḷunat! Kon tua anggur bo gandum motoḷubú in kobobiagnea, mokoropot kon tayowmobiag bo mongodeaga.

MATIUS 17:2

Indoianmai batangan i Yesus nobaḷuibí kon tayowon monia; Pogot-Nea nonindar ná mata in singgai, bo ḷambung-Nea in nobaḻí nobudó mopouḻi-uḻinag naonda bo bayag.

LUKAS 4:22

Onu inta poguman-Nea, komintan mokosanang kon gina monia, sahingga kinoibog monia in Sia bo umuran monia indongogan in poguman-Nea. Bayongan in intau kon tua komintan in noḻibo-ḻibóan, “Degá Siabí naa inta ki adí i Yusup?”

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

YOHANES 7:46

Dá moḷoḷukad mita tatua in notubag, “Uḻe, diápa kon dodai onda in intau in mosingog ná pososingog-Nea tatua!”

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.