MAZMUR 44:3 - Alkitab Singog In Mongondow Masa In Tanaa

³ Iko tontaní in noguntun kon bangusa mita sinbá umat-Mu in mogutun motantú kon butá monia. Bangusa mita ibanea pinobodito-Mu, táe umat-Mu in pinomayá-Mu mako in kodugangannea.

MAZMUR 44:3 Iomraidhean Croise

SAMUEL 2 7:23

Kon dunia naa in diábí in bangusa ná Israel. Tongábí Israel tuata in bangusa inta ain pinoḷuat-Mu nongkon pinononggataan sin mobaḻí umat-Mu tontaní. Bayongan in aid moḷoben bo inta mokoherang inta pinomia-Mu kon i monia, mopobaḻí kon tangoi-Mu ponango-nangoian kon dunia. Bangusa mita ibanea takin dewa mita monia aindon inuntun-Mu kon tungkuḷ in umat-Mu minayá noparang.

TAWARIKH 2 20:7

Ikobí in ki Allah nami. Kon tungkuḷ in umat-Mu, bangusa in Israel, namangoi kon butá tanaa, Iko nopoguntun kon intau mita inta kon dodai intua nogutun kon naa. Bo Iko in nobogoi kon butá tanaa kon buí i Abraham, yobayat-Mu, sin mobaḻí butá kapunyaan monia modapot in mononoi.

MAZMUR 111:6

Sia in nopoontongdon in kawasa-Nea kon umat-Nea, pinongin nobogoi kon i monia in butá budel in bangusa mita.

MAZMUR 17:7

Poontongdon in tabi-Mu inta mokoherang sin pinosaḷamat-Mu in intau inta namangoi kon ini-Mu, kon diug-Mu moioḻingoi in mosia nongkon ponubuan in musung.

MAZMUR 20:6

Dá kami in morogiow takin pia in gina sin iko in nountung, bo motonggó kon bandera mita sin modayow kon i Allah naton. Igumon mako ki Tuhan in mobogoi kon bayongan inta pinoigummu.

MAZMUR 4:6

Posumbadon in sosumba inta kinoibog-Nea bo popirisayadon kon i Tuhan.

MAZMUR 42:11

Morimumudon totok in ginaku popisí in rebeg in musung. Mosia in tantúbí moḻibó, “Kon onda in ki Allahmu?”

MAZMUR 42:5

Moajar in ginaku aka mokotorop kon singgai tungkuḷ intua, kon tungkuḷ in akuoi mayá in Baḷoi Tuhan moyotakin in intau mobayong sin momia kon bobutungan. Akuoi in kon muna in intau mobayong tatua sindaḷan mopodondong in dondong dodayow.

MAZMUR 74:11

Nongonu sin Iko in diá bidon motuḷung kon inami? Nongonu sin pinomayá-Mubí mako in kami?

MAZMUR 77:15

Ikobí in ki Allah inta nomia kon inta mokoherang, kawasa-Mu ain pinoniata-Mu kon yuak in bangusa mita.

MAZMUR 78:55

Kon tayowon in umat-Nea Sia nopoguntun in intau inta nogutun kon tua bodongka sinila-silai-Neadon in butá tatua kon bayongan in suku in bangusa in Israel, umat-Nea, dá mosia in motaaudon mogutun kon ḷoḷaigan mita in musung.

MAZMUR 80:16

Posaḷamatdon in umat inta naonda bo pangkoi in anggur ain pinomuḷa-Mu tontaní, bo tokat in anggur inta binaḻí-Mudon noropot.

MAZMUR 80:9

Umat-Mu in naonda bo pangkoi in anggur inta pinamping-Mu nongkon Mesir. Bangusa mita ibanea inuntun-Mu, bo pinomuḷa-Mu in pangkoi mita in kayu tatua kon butá monia.

IḶUAIAN 15:16

Sin mosia totokdon inagían ondok mokoontong kon ropot i Tuhan. Kon dodai in umat-Mu noitaḻib, musung modait dumoit; nosaḷamatdon in bangusa inta pinoḷuat-Mu.

YESAYA 63:12

Kon onda in ki Tuhan inta koyot-yotakin i Musa takin ḻima-Nea inta moropot motorindog, bo nomotak kon tubig kon tayowon monia sinbá tangoi-Nea in kotaauandon modapot in mononoi?

ZAKHARIA 4:6

Malaekat tatua in nopotabá kon inakó mopotaau kon i Zerubabel in koyow i Tuhan tanaa, “Deemanbí pinodoyon kon ropot in tontara bo deemanbí doman pinodoyon kon ropotmu tontaní iko in mountung, táe noidoyonbí kon roho-Ku.

PINOGIAPAN 14:8

Aka kinoibog i Tuhan in kita, dá diaan-Neabí in kita mayá intua bo ogoi-Nea kon i naton in butá inta nooyúon bo inta mopia totok tatua.

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.

ULANGAN 10:15

Táe tabi i Tuhan kon mogoguyang monimu ná domai tua in koḷoben, nodapot in nongkon sigad in bayongan bangusa moikodon nion in piniḻí-Nea, bo nodapotpabí in masai in tanaa moiko in umat-Nea inta kinopiḻían.

YOSUA 24:12

Kon dodai in moiko mayá monubu kon i monia, pinopoḻingú-Ku in mosia bo pinopogonúan in ondok, nodapot in datu in Amori taya dua tua noḷagui nongkon i monimu. Deemanbí kedangmu bo deemanbí doman piotmu in nokopountung kon i monimu.

YOSUA 3:10

Aka moiko mayádon monubu, yo notantú bidon kon untunonbí i Tuhan in intau in Kanaan, Het, Hewi, Peris, Girgasi, Amori bo Yebus. Bo kon dodai in Poti Dodandian i Tuhan inta nomaḻí kon dunia naa ḷumoḷandon kon Yordan umuna kon i monimu, yo ontongondon monimu kon ki Allah inta nobiag in kon yua-yuakdon monimu.

SAMUEL 1 12:22

Ki Tuhan ain nongibot, kon Sia in diábí monaḷámai kon i monimu sin Sia ain nonantú kon umat-Nea tontaní.