MAZMUR 44:10 - Alkitab Singog In Mongondow Masa In Tanaa

¹⁰ Táe tanaa Iko in nonaḷá kon inami bo nopomayá mako kon inami taḷowon. Iko in diádon minayá noyotakin nami kon poparangan.

MAZMUR 44:10 Iomraidhean Croise

MAZMUR 60:12

O Allah, diá degá in Iko noyotakin nami? Diá degá in Iko mayá moparang takin tontara nami?

MAZMUR 89:39

Táe tanaa in Iko tumorú kon i datu, Iko in noḷumbú bo nondoí kon intau inta piniḻí-Mu.

MAZMUR 89:41

Inumpag-Mu in dinding mita in kotánea, benteng mita in binaḻí-Mudon apug.

MAZMUR 89:43

Pinountung-Mu in musungnea mita, bo bayongan in ḷawang pinoḷunganga in ginanea.

YESAYA 10:14

Bangusa mita kon dunia naonda bo pugad in ḷagapan; nogampangkubí totok in nogamá kon kapunyaan monia, naonda bo intau norakup kon natu inta sinaḷáan kon pugad. Diábí in koḻikip in mongaḻikokab, diábí in mobuká kon popadoknea andeka mociap.”

YESAYA 10:6

Akuoi in nopotabá mangoi kon Asyur sin monubu kon bangusa-Ku inta nonaḷámai kon i-Nakó bo nopomuká kon torú-Ku. Akuoi in nopotabá in Asyur sin mogagow bo monakow bo moritak kon bangusa-Ku naonda bo ḷobud kon daḷan.”

YEREMIA 15:13

Ki Tuhan in noguman kon inakó, “Akuoi in mopotabábí kon musung sin mogakut kon kaoyúonan bo kapunyaan in umat-ku nobaḻí hukuman kon dosa mita inta ain inaidan monia kon sinangkub in butá.

YEREMIA 20:8

Pomuḷoi in akuoi mosingog, musti in akuoi momaḷú rumopot totok, “Ḷoḻinga! Bodito!” Tuhan, akuoi in irebeg bo siningkuḻe pomuḷoi mako, popisí in nopotaau in koyow-Mu.

IMAMAT 26:14

Ki Tuhan noguman, “Aka moiko diá mokidongog kon i-Nakó bo diá dumudui kon parenta-Ku,

IMAMAT 26:17

Hukumon-Ku in moiko, modapot in moiko taḷowondon in musungmu mita moiko kawasaandon in intau mita inta mosaturu kon i monimu. Agían totok in ondok moiko dapot in moḷagui moiko, umpaka diá in mogaḷow.

PINOGIAPAN 14:42

Dikabí mayá! Taḷowonbí in musung mita monimu in moiko sin ki Tuhan diá kotaki-takinmu.

PINOGIAPAN 14:43

Kon dodai in moiko moyogintayow in intau in Amalek bo intau in Kanaan tatua, matoi in moiko kon parang tatua. Ki Tuhan in diábí tumakin kon i monimu sin moiko diá motoindudui kon i-Nia.”

ULANGAN 28:25

Aka moiko diá motoindudui kon i Tuhan Allahmu, baḻíon-Nea in moiko taḷowon in musungmu mita. Motompiabí in pononubú monimu, táe posibayádon in moḷagui. Bayongan in bangusa kon dunia mokoningkimdon mokoontong kon kososoemu.

ULANGAN 31:17

Aka tua bo mobaḻí, yo torú-Ku in moḷobendon kon i monia. Mosia in taḷaan-Kudon bo yopúon-Ku. Mobayong in bodito mokoondok in moiuma kon i monia, bo mosadardon in mosia kon tua mita in nobaḻí popisí in Akuoi, ki Allah monia diádon koyota-yotakin monia.

YOSUA 7:12

Tuamai in mosia diá mokotongkod kon musung. Mosia sinaḷow in musung sin mosia tontaní aindon pinopoḷabúan in hukuman sin yopúon. Diá bidon takinan-Ku bui in moiko, aka barang mita inta diá motaau gamáan tatua diápa payongon.

YOSUA 7:8

O Tuhan! Sinaḷowdon in musung in intau mita in Israel. Yo onu in singogonku in tanaa?

SAMUEL 1 4:17

Intau inta nodia kon habar tatua notubag, “Israel noḷagui kon intau in Pilistin. Kita in sinaḷow totok. Nobayong in intau in minatoi, ki adí doman i amá inta doyowa, ki Hopni bo ki Pinehas. Bo Poti Dodandian i Allah inagow in musung!”