MAZMUR 42:5 - Alkitab Singog In Mongondow Masa In Tanaa

⁵ Moajar in ginaku aka mokotorop kon singgai tungkuḷ intua, kon tungkuḷ in akuoi mayá in Baḷoi Tuhan moyotakin in intau mobayong sin momia kon bobutungan. Akuoi in kon muna in intau mobayong tatua sindaḷan mopodondong in dondong dodayow.

MAZMUR 42:5 Iomraidhean Croise

AYUB 13:15

Nopoḷok bidon in raianku sin diádon in kamang! Aka ki Allah in moḻimod kon inakó, diábí nongonu, tongá belaankupa in oaidku kon tayowon-Nea.

MAZMUR 35:14

naonda bo nosambayang kon utat tobatú andeka yobayat modagin tobatú. Akuoi in kinumuyung bo inombaḷanku in mosia, naondadon bo akuoi in nonogumatoi kon i ináku tontaní.

MAZMUR 37:7

Oḷatdon mako in ki Tuhan takin gina moodom, ḷukadaidon mako pokosabar modapot in Sia mopoaid. Dika tumorú popisí in intau inta nokouḻí kon kobiagannea, andeka inta nonompobaḻik.

MAZMUR 38:6

Kekebku mita in nonombobogdon bo nobongkogdon, popisí in sinumon bodokdon in akuoi.

MAZMUR 42:11

Morimumudon totok in ginaku popisí in rebeg in musung. Mosia in tantúbí moḻibó, “Kon onda in ki Allahmu?”

MAZMUR 43:5

Nongonu sin moajarbí bo moḻia-ḻiaw in ginaku? Akuoi in mongamang kon i Allah, dá akuoi in buipabí mopoyaput in sukur kon i-Nia, kon i Allahku bo mopoposaḷamatku.

MAZMUR 44:3

Iko tontaní in noguntun kon bangusa mita sinbá umat-Mu in mogutun motantú kon butá monia. Bangusa mita ibanea pinobodito-Mu, táe umat-Mu in pinomayá-Mu mako in kodugangannea.

MAZMUR 56:11

Akuoi in modayow kon i Tuhan Allah, popisí in onu inta pinodandi-Nea.

MAZMUR 56:3

Kinoouput in singgai akuoi iyunta-yuntai in saturuku; mobayongbí in mosaturu kon inakó, o Allah Inta Totok in moḷantud.

MAZMUR 61:2

Indongogaipa kaasí in kuaniku, o Allah, taridiaipa in sambayangku.

MAZMUR 71:14

Táe akuoi in umuranbí mongamang mako kon ini-Mu, bo mokakitdon modayow kon ini-Mu.

MAZMUR 77:3

Kon tungkuḷ in mororiga totok akuoi in nosambayang kon i Tuhan; kinoouput in doḷom tonggóonku in ḻimaku kon i-Nia takin diá angoian in bú, táe ginaku in doíbí ḻipoion.

YESAYA 30:29

Táe moiko, umat i Allah, in moḷungangabí in gina bo modondong naonda bo kon dodai in doḷom poramean kon agama. Moiko in totokbí in mopia in gina naonda bo intau mita inta minayá bo sinakinan in bansí mopobayá in Baḷoi Tuhan, mododuḷu in Israel.

YESAYA 50:10

Ei moiko inta mohoromat kon i Tuhan, bo inta nokidongog kon tosingogon in mogogundoi-Nea, daḷan inta binayáan monimu degá nosindip, bo diá in sindar inta nonindar kon inimu; táe popirisayadon kon i Tuhan; kadaidon kon i Allahmu.

PINOGIAPAN 6:26

Poigumon mako ki Tuhan motabi kon i monimu bo mobogoi kon i monimu in kobiagan modame.

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

MATIUS 26:38

Dá Sia in noguman kon i monia, “Morobonoḷdon totok in dodob-Ku, korasaan nádon onda bo matoi. Kon naapa in moiko bo moḷukad moyotakin-Ku.”

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

SAMUEL 1 30:6

Noajar totok in gina in intau mita i Daud sin mosia in kinobuḻiandon in adí bo buḷoi monia. Tuamai in mosia moibogdon mogandur in batu kon i Daud. Dá noyogintayowdon in roriga moḷoben in ki Daud, táe ginanea in inirigonan bui i Tuhan Allahnea.