MAZMUR 41:7 - Alkitab Singog In Mongondow Masa In Tanaa

⁷ Intau mita inta noḷongow kon inakó diábí notuḻid in gina. Mosia in nosipun kon ouman diá mopia soaḷ akuoi, bo mopowaya magí-mako intua.

MAZMUR 41:7 Iomraidhean Croise

MAZMUR 31:13

Akuoi in iḻiongdon naonda bo intau minatoi, bo nádon onda bo pakakat inta iḷumbú.

AMSAL 16:28

Intau motombogá mokopomuká kon rogenggeng; intau inta moibog moponapud in uboḷ mokogoguyaat kon yoyobayatan.

AMSAL 26:20

Aka kayu modaitdon, yo tuḷú in mopiong domandon; aka intau bibigon diádon, yo bobayowan in mogogaibí domandon.

MATIUS 22:15

Intau mita in Parisi minayádon nongkon tua, bo noyosingog kon naonda sinbá kouḻían monia kon taḷá in ki Yesus podoyon kon onu inta ḻibóon monia.

SURAT I PAULUS KON JAMAAT RUM 1:29

Gina monia in nopuḻingdon yagi-yagi inta moraat, inta diá nobanar, moturá, aid mokotor, yoyaatan gina; ibog moḻimod, ibog moropatoi, ibog monguboḷ bo motagú kon gina bo moibo-ibog doman mongonguman kon soaḷ intau ibanea,

KORINTUS 2 12:20

Sin moḻia-ḻiaw in ginaku, dikabo naonda in akuoi mamangoi, koangoiankumai moiko diádon ná inta iharapku mako, ná doman tua in akuoi, koangoianmai monimu, diádon ná inta iharap mako monimu. Sin dikabo mobobayowanmai in moiko, mosiintoian, dumodia, tongá moibog morai kon kopontingan tontaní bo mopotombauk.